كوشى-قوننىڭ تىڭ مۇمكىندىكتەرى

زاڭ نەگىزىندە ەلىمىزدىڭ حالقى تىعىز وڭىرلەرىنەن جۇمىس كۇشى تاپشى وبلىس­تار­عا, سولتۇستىككە قونىس اۋدارۋ­شىلارعا جانە ولاردىڭ وتباسى مۇشە­لە­رىنە مەملەكەتتىك قولداۋ رەتىندە كو­شۋگە سۋبسيديا, تۇرعىن ءۇي جالداۋ, كوم­مۋ­نالدىق قىزمەت تولەمدەرىنىڭ شى­عىن­دا­رىنا وتەماقى قاراستىرىلادى. ول ءۇشىن بانك­تەردە ارنايى ەسەپشوت اشى­لىپ, قارا­جات اۋدارىلادى. ولار ءارى قاراي سول اقشانى پايدالانىپ, جۇمىسقا تۇ­رىپ, ءومىرىن جالعاستىرادى. وعان قوسا ەكو­نو­ميكالىق موبيلدىلىك سەرتيفيكاتتارى سەكىلدى ماتەريالدىق كومەك كورسەتىلەدى.

ال جەر ۋچاسكەسى قۇجاتقا سايكەس قو­نىس اۋدارۋشىلارعا ۇكىمەت ايقىن­دا­عان وڭىرلەردە شارۋا نەمەسە فەرمەر قوجالىعىن جۇرگىزۋ ءۇشىن جەر ۋچاسكەلەرى كونكۋرستان تىس تارتىپپەن 5 جىلعا دەيىنگى مەرزىمگە ۋاقىتشا قىسقامەرزىمدى اقىلى جەر پايدالانۋ (جالعا الۋ) قۇقىعىمەن بەرىلەدى. ەگەر 5 جىلدان كەيىن وسى ازامات سول مەكەندە قالۋدى ۇيعارسا, شارت ۇزاق مەرزىمگە جاسالادى. ال باستاپقى بەس جىل مەرزىم ىشىندە ول سول وڭىردەن كوشىپ كەتسە, وندا جاسالعان شارتتار توقتاتىلادى.

سونداي-اق بىزگە يران, اۋعانستان, تۇركيا, تۇرىكمەنستاننان كەلىپ جات­قا­ن ەتنوستىق قازاقتاردىڭ ءتول قۇ­جات­تارىندا ۇلتى كورسەتىلمەيدى. بۇل بىزگە قيىندىق تۋدى­راتىن. جاڭا قۇجاتقا سايكەس ەڭبەك جانە حالىقتى الەۋمەتتىك قورعاۋ مينيسترلىگىنە جانە جەرگىلىكتى اتقارۋشى ورگاندارعا ءتيىستى قۇ­زىرەت بەكىتىلدى. وسى نورما نەگىزىندە مي­نيسترلىك ارنايى قاعيدانى ازىرلەپ جاتىر. ياعني قانداس مارتەبەسىن بەرۋ ەرەجە­سى قاراستىرىلىپ جاتىر.

جەرگىلىكتى اتقارۋشى ورگانداردا قانداس مارتەبەسىن بەرەتىن ارنايى كوميس­سيالار اڭگىمەلەسۋ بارىسىندا ءوتىنىش بەرۋ­شىنىڭ شىققان تەگىنە قاتىستى ساۋال­دار جولداۋ ارقىلى كوز جەتكىزەدى. كوميس­سيا كۇماندانعان جاعدايدا ارنايى سا­راپ­تاما جاسالادى. ول شامامەن 45 مىڭ تەڭگەنى قۇرايدى. ءارى بۇل قارجىنى ءوتىنىش بەرۋشى ءوز قالتاسىنان تولەيدى.

ايتا كەتەرلىگى, قانداستار اراسىندا عىلىمي دارەجەسى بار عا­لىمدار نەمەسە زەرتتەۋشىلەر بولۋى مۇم­كىن. ولارعا ۇكىمەت ايقىنداعان وڭىرلەردە 5 جىل تۇرۋ بەكىتىلمەيدى. جۇمىس بارىسىن­دا وزگە ايماقتارعا بارۋ كەرەك بولىپ جاتسا, قاراجاتتى قايتارۋ ماسە­لەسى قاراستىرىلمايدى. نەگىزى مۇن­داي جاعداي كوپ كەزدەسە بەرمەيدى, ماسەلەن, وت­كەن جىلى وسىنداي ءبىر عانا ازامات قان­داس مارتەبەسىن الۋعا كەلدى.

بۇعان قوسا جەسىر ايەلدەردىڭ كۇ­يەۋى كەزىندە ەتنوستىق قازاق بولسا, ازا­مات­تىق الۋ مۇمكىندىگى كوزدەلگەن. ولار نور­ما­عا سايكەس كۆوتاعا تىركەلىپ, ۇكىمەت قاراجاتىن الا الادى.

اسقاربەك ەرتاەۆ,

ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ توراعاسى