1978 جىلى سەلينگە جولداسى يتاليادان پاندا جۇمساق ويىنشىعىن الىپ كەلەدى. وسى ساتتەن باستاپ ول پاندا دەسە ىشكەن اسىن جەرگە قوياتىن دەڭگەيگە جەتەدى. سودان سۇيكىمدى جانۋارعا قاتىستى دۇنيەنىڭ ءبارىن جينايدى. ونىڭ ۇيىندەگى ىدىس تا, كيىم دە, سۋرەت تە ءبارى-ءبارى سوعان قاتىستى. اقىر اياعىندا تەك جۇمساق ويىنشىقتىڭ ءوزى 2 200 داناعا جەتكەن. بۇل ءحوببيى ءمانسىز بولماس ءۇشىن س. كورەنت وسى ويىنشىقتىڭ بارلىعىن ناۋقاس بالالارعا تاراتىپ بەرمەك.
ۇتىكتەر ءۇيى سەكىلدى
شىعىس سلوۆاكيا تۇرعىنى يانوش ناگي 40 جىل ۇزدىكسىز ۇتىك جيناۋمەن اينالىسقان.
ول 20 جاسىندا العاشقى ۇتىگىن جەر قازىپ جاتقاندا تاۋىپ الادى. سودان باستاپ ۇتىك بىتكەننىڭ بارىنە ءۇيىر بولىپ, ۇيىنە اكەلىپ, ۇيە بەرەدى. جادىگەردىڭ تاريحى نەعۇرلىم تەرەڭدە بولسا, ونىڭ قۇنى دا سوعۇرلىم قىمباتتاي تۇسەتىنى انىق. وسىنى ۇققان ن.يانوش ءحىح عاسىردا جاسالعان ۇتىكتەردى كوبىرەك توپتاستىرعان. سونىمەن قاتار ول كوللەكتسياسىن رەسەي, گەرمانيا, فرانتسيا, يتاليا, بەلگيا, اقش, باسقا دا ەلدەردەن قۇراپ, جالپى سانىن 150-گە جەتكىزگەن.
الدە دە از...
ديك فالەنسكي – گولف ويىنىنىڭ جانكۇيەرى. ول الەمنىڭ تۇكپىر-تۇكپىرىنەن اكەلىنگەن 36 000 گولف شارىن توپتاستىرعان.
بۇل كورسەتكىشتى كوپ دەپ ويلاماڭىز. ونىڭ نەگىزگى ماقساتى – 50 000 داناعا جەتكىزۋ. ءوزى اقش-تىڭ پەنسيلۆانيا شتاتىندا تۇرادى. كوللەكتسياسىن 50 جىل بويى جيناپ كەلەدى ەكەن. فالەنسكيدىڭ تىزىمىندە بيلل كلينتون, باسكەتبولشى مايكل دجوردان ويناعان شارلار بار.
