كوللەدجدە تەگىن وقۋعا مۇمكىندىك مولايادى

جاۋاپتى مينيستر­لىكتىڭ حابارلاۋىنشا, جاڭا وقۋ جىلىندا تەحنيكالىق جانە كاسىپتىك ءبىلىم بەرۋ ۇيىمدارىنداعى مەملەكەتتىك ءبىلىم بەرۋ تاپسى­رىسىنىڭ كولەمى 60 مىڭ ورىن­عا كوبەيەدى. وسىلايشا, مەم­لەكەتتىك تاپسىرىس بويىنشا قابىل­دانعان ءبىلىم الۋشىلار سانى 145 مىڭ ادامعا جەتەدى.

وسىعان وراي مالىمدەمە جاسا­عان وقۋ-اعارتۋ مينيسترلىگىنە قاراستى تەحنيكالىق جانە كا­سىپتىك ءبىلىم دەپارتامەنتىنىڭ ديرەكتورى اسەت مۇحانبەتوۆ: «مەملەكەت باسشىسىنىڭ تاپسىرماسىمەن سۇرانىسقا يە مامان­دىقتارعا تەگىن تەحنيكالىق جانە كاسىپتىك ءبىلىم بەرۋ بويىنشا مەملەكەتتىك ءبىلىم بەرۋ تاپسىرىسى رەسپۋبليكالىق بيۋدجەت ەسەبىنەن 60 مىڭ ورىنعا ۇلعايتىلدى. 2025 جىلعا قاراي جاستاردىڭ 100%-ى سۇرانىسقا يە ماماندىقتار بويىنشا تەگىن تەحنيكالىق جانە كاسىپتىك بىلىم­مەن قامتاماسىز ەتىلەدى», دەدى.

مەملەكەتتىك ءبىلىم بەرۋ تاپسىرىسى تەحنيكالىق مامان­دىقتار بويىنشا ۇلعايادى: گەولوگيا, ماشينا جاساۋ, ەنەرگەتيكا, IT, مەتاللۋرگيا, كولىك ت.ب. بۇگىندە تەحنيكالىق جانە كا­سىپتىك ءبىلىمدى مەملەكەتتىك تاپسىرىسپەن قامتۋ 80%-عا جەتىپ وتىر.

ايتا كەتەيىك, جىل سايىن كاسىپورىنداردىڭ وتىنىمدەرى بو­يىنشا 10 مىڭ تالاپكەر قابىل­­دانادى. تاپسىرىس بەرۋشى كاسىپ­ورىندارعا پراكتيكا ۇيىم­داس­تىرۋ, تۇلەكتەردى ودان ءارى جۇ­مىسقا ورنالاستىرۋ بويىنشا مىندەت­تەمەلەر بەرىلەدى.