سۋرەتتى تۇسىرگەن – ەرلان ومار, «EQ»
ۇلتتىق تەستىلەۋ ورتالىعىنىڭ حابارلاۋىنشا, توتەنشە جاعداي جاريالانعان 6 وڭىردە (اقمولا, اقتوبە, اتىراۋ, باتىس قازاقستان, قوستاناي, سولتۇستىك قازاقستان وبلىستارى) تىركەلۋ ۋاقىتى 20 مامىرعا دەيىن ۇزارتىلدى جانە ۇبت 25 مامىر مەن 12 شىلدە ارالىعىندا وتكىزىلەدى. عىلىم جانە جوعارى ءبىلىم مينيسترلىگىنىڭ شەشىمى بويىنشا 2024 جىلى تالاپكەرلەر نەگىزگى ۇبت-نى ەكى رەت تاپسىرىپ (ەكى سەرتيفيكات تا جارامدى), ەڭ ۇزدىك ناتيجەمەن گرانت كونكۋرسىنا قاتىسا الادى. ۇبت-عا قاتىسۋ ءۇشىن ۇلتتىق تەستىلەۋ ورتالىعىنىڭ app.testcenter.kz سايتى نەمەسە UTO قوسىمشاسى ارقىلى تىركەلۋگە بولادى. تالاپكەرلەر تەستىلەۋ كۇنىن, ۋاقىتىن جانە تاپسىراتىن ورنىن وزدەرى تاڭدايدى. الايدا ولار ەكى مۇمكىندىك ءۇشىن بەيىندى پاندەردىڭ ءبىر عانا كومبيناتسياسىن تاڭدايدى. نەگىزگى ۇبت-نى 2024 جىلعى مەكتەپ جانە كوللەدج تۇلەكتەرى, مەكتەپ جانە كوللەدجدىڭ وتكەن جىلعى تۇلەكتەرى, شەتەلدە 11(12)-سىنىپ ءبىلىم الۋشىلارى, قانداستار, جوعارى وقۋ ورىندارىندا شارتتى تۇردە ءبىلىم الۋشىلار تاپسىرا الادى.
تالاپكەرلەردىڭ نەگىزگى ۇبت-عا دايىندىعىن جاقسارتۋ ماقساتىندا وسىعان دەيىن ءار ءپان بويىنشا جەكە تاقىرىپتىق تالداۋ ەنگىزىلدى. تالداۋدا ءار ۇبت-دان كەيىن (قاڭتار, ناۋرىز) تۇلەكتەرگە جەكە تاقىرىپتار بويىنشا ءبىلىمىن ارتتىرۋ ۇسىنىلادى. سونىمەن قاتار ءبىرىنشى مۇمكىندىكتى تاپسىرعاننان كەيىن ولار ەكىنشى مۇمكىندىككە دەيىن دايىندىعىن جاقسارتا الادى. ودان بولەك, ونلاين بايقاۋ سىناقتارى ىسكە قوسىلعان.
ءبىلىم بەرۋ ورتالىقتارىمەن بىرلەسىپ ۇيىمداستىرىلعان تەگىن ونلاين ساباقتار جالعاسىپ جاتىر. ال وقۋ جىلىنىڭ باسىندا ۇلتتىق تەستىلەۋ ورتالىعىنىڭ سايتىندا تەست تاپسىرمالارى قۇراستىرىلعان وقۋلىقتار ءتىزىمى مەن تەست جوسپارى; «قازاقستان تاريحى» جانە «دۇنيەجۇزى تاريحى» پاندەرى بويىنشا 100 تاريحي داتا ءتىزىمى; «ينفورماتيكا» پانىنەن تەرميندەر ءتىزىمى; «قازاق ادەبيەتى» جانە «ورىس ادەبيەتى» بويىنشا ادەبي شىعارمالار ءتىزىمى جاريالاندى.
تەستىلەۋ فورماتىندا وزگەرىستەر جوق. 2024 جىلعى تالاپكەرلەر ءۇش مىندەتتى جانە تاڭداۋ بويىنشا ەكى پاننەن تەست تاپسىرادى. «وقۋ ساۋاتتىلىعى» مەن «ماتەماتيكالىق ساۋاتتىلىق» مىندەتتى پاندەرىنەن تاپسىرمالار سانى 5 سۇراققا قىسقاردى. بۇل بەيىندى پاندەر بويىنشا سۇراقتار سانىن 40-قا دەيىن ارتتىرۋعا مۇمكىندىك بەردى. سونىمەن قاتار بەيىندى پاندەردە بەرىلگەن تىزىمنەن سايكەستىكتى انىقتاۋعا ارنالعان 5 تاپسىرما قوسىلدى. وسىلايشا, ۇبت تاپسىرمالار سانى وزگەرىسسىز قالادى, جالپى – 120 سۇراق. ونىڭ ىشىندە «قازاقستان تاريحىنان» 20 تاپسىرما, «وقۋ ساۋاتتىلىعىنان» 10, «ماتەماتيكالىق ساۋاتتىلىقتان» 10 جانە ەكى بەيىندى ءپان بويىنشا 40 تاپسىرما بەرىلەدى. جوعارى بالل – 140, بۇل دا وزگەرىسسىز قالدى. تەستىلەۋدىڭ جالپى ۋاقىتى – 4 ساعات (240 مينۋت). ال ەرەكشە ءبىلىم بەرۋ قاجەتتىلىكتەرى بار بالالارعا قوسىمشا 40 مينۋت ۋاقىتى ساقتالادى.
اكادەميالىق ادالدىقتى قامتاماسىز ەتۋ ماقساتىندا تەست نۇسقالارى تاڭبالانعانىن اتاپ وتكەن ءجون. ياعني ۇبت-عا قاتىسۋشىلاردىڭ ارقايسىسىنىڭ جەكە تەست نۇسقاسى بولادى. وسىعان قوسا كالكۋلياتور, حيميالىق ەلەمەنتتەردىڭ پەريودتىق جۇيەسى مەن تۇزداردىڭ ەرىگىشتىك كەستەسىن كومپيۋتەردە قولدانۋىنا رۇقسات. تالاپكەرلەردىڭ پىكىرى مەن قالاۋىن ەسكەرە وتىرىپ, ولارعا كەستەلەردىڭ قاعاز نۇسقاسى دا بەرىلەدى.
شەكتى ۇپاي دا وزگەرگەن جوق: «قۇقىق» جانە «پەداگوگيكالىق عىلىمدار» ءبىلىم بەرۋ سالالارى ءۇشىن كەمىندە – 75, «دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» كەمىندە – 70, «اۋىل شارۋاشىلىعى جانە بيورەسۋرستار», «ۆەتەريناريا» كەمىندە – 60 (ۇلتتىق ۋنيۆەرسيتەتتەر ءۇشىن); ۇلتتىق جوعارى وقۋ ورىندارىنا ءتۇسۋ ءۇشىن كەمىندە – 65, باسقا جوعارى وقۋ ورىندارىنا كەمىندە 50 ۇپاي جيناۋ كەرەك.
تەست تاپسىرۋشىلار تەستىلەۋ اياقتالعاننان كەيىن 30 مينۋت ىشىندە اپەللياتسياعا ءوتىنىش بەرۋىنە بولادى. سەرتيفيكات اپپەلياتسيالىق كوميسسيانىڭ شەشىمىنەن كەيىن تالاپكەردىڭ جەكە كابينەتىنەن كورە الادى.
