فوتو: freepik.com
قازاقستان دەلەگاتسياسى ءسىم كونسۋلدىق قىزمەت دەپارتامەنتىنىڭ ديرەكتورى باۋىرجان اقاتاەۆ, امەريكالىق دەلەگاتسيانى اقش مەملەكەتتىك دەپارتامەنتىنىڭ وڭتۇستىك جانە ورتالىق ازيا ىستەرى بيۋروسى ورتالىق ازيا بويىنشا باسقارماسىنىڭ ديرەكتورى برايان ستيمملەر باسقاردى. كەلىسسوزدەر بارىسىندا تاراپتار كوپتەگەن ماسەلەنى, سونىڭ ىشىندە ازاماتتاردىڭ ءوزارا ساپارلارىن جەڭىلدەتۋ, ەكى ەل ازاماتتارىنىڭ قۇقىقتارى مەن مۇددەلەرىن قورعاۋ, قازاقستاننان اسىراپ الىنعان بالالارعا باقىلاۋدى كۇشەيتۋ بويىنشا ءىس-قيمىلدى تالقىلادى. كوشى-قون سالاسىنداعى ىنتىماقتاستىققا دا ەرەكشە نازار اۋدارىلدى. اتاپ ايتقاندا, قازاقستان ازاماتتارىنىڭ اقش-قا زاڭسىز كوشى-قونىنىڭ جولىن كەسۋ بويىنشا بىرلەسكەن شارالار بەلگىلەندى.
كونسۋلتاتسيالارعا قاتىسۋشىلار تۋريستىك, ىسكەرلىك جانە مادەني بايلانىستاردى ودان ءارى نىعايتۋعا ىقپال ەتەتىن ەكى ەلدىڭ ازاماتتارى ءۇشىن ۆيزا بەرۋ راسىمدەرىن وڭايلاتۋ مەن جەدەلدەتۋدىڭ ماڭىزدىلىعىن اتاپ ءوتتى.
كەلىسسوزدەر قورىتىندىسىندا تاراپتار تۇراقتى نەگىزدە كونسۋلدىق ماسەلەلەر بويىنشا ىنتىماقتاستىقتى ودان ءارى نىعايتۋعا جانە ارتتىرۋعا دايىندىعىن راستادى.
سونىمەن قاتار ساپار اياسىندا قازاقستان دەلەگاتسياسى امەريكالىق «Winrock International» ۇەۇ وكىلدەرىمەن كەزدەسۋ وتكىزىپ, ونىڭ بارىسىندا زاڭسىز كوشى-قون مەن ادام ساۋداسىنا قارسى ءىس-قيمىل ماسەلەلەرى بويىنشا ءوزارا ءىس-قيمىل كەلەشەگى تالقىلاندى.
