بۇل – جالپى تەڭىزدە ءوندىرىستى كەڭەيتۋدىڭ جوباسىنداعى ايتۋلى كەزەڭ. ۇەقبج – ۇڭعىمالاردىڭ ەرنەۋىندەگى قىسىمدى تومەندەتۋ جانە كەيىننەن قولدانىستاعى زاۋىتتارعا قىسىمدى ارتتىرۋ ەسەبىنەن تەڭىزدەگى كومىرسۋتەكتەردى وڭدەۋ زاۋىتتارىنىڭ جۇمىسىن تولىق قۋاتتا (جىلىنا شامامەن 28 ملن تونناعا دەيىن) ۇستاپ تۇرۋعا ارنالعان. قوسىمشا قكج كومپرەسسورلارى ىسكە قوسىلىپ, قالعان ولشەۋ ستانتسيالارى وسى جىلدىڭ سوڭىنا دەيىن قايتا جابدىقتالماق.
سونىمەن قاتار تشو-نىڭ «كەلەشەك ءوندىرىستى كەڭەيتۋ جوباسىنىڭ (ككج) سوڭعى كەزەڭى 2025 جىلدىڭ ءبىرىنشى جارتىسىندا اياقتالادى دەپ جوسپارلانىپ وتىر. بۇل تشو-عا تەڭىزدە شيكى مۇناي ءوندىرۋ كولەمىن جىلىنا تاعى 12 ميلليون تونناعا (كۇنىنە 260 000 باررەل) ۇلعايتۋعا مۇمكىندىك بەرەدى.
«بۇل ءبىزدىڭ كەلەشەك كەڭەيۋ جوبامىزدى قاۋىپسىز اياقتاۋداعى ماڭىزدى قادام, سونداي-اق ءبىزدىڭ نەگىزگى ءوندىرىسىمىزدىڭ تەڭىزدە سەنىمدى جۇمىس ىستەۋىنە كومەكتەسەدى. بۇل مەجەگە قول جەتكىزۋ قر ۇكىمەتىنىڭ جانە باسقا دا كوپتەگەن ماڭىزدى مۇددەلى تاراپتاردىڭ, سونىڭ ىشىندە سەرىكتەستەرىمىزدىڭ, مەردىگەرلىك ۇيىمداردىڭ, بىزبەن جۇمىس ىستەيتىن قاۋىمداستىقتاردىڭ, دارىندى مەن جۇمىستارىنا ادال قىزمەتكەرلەرىمىزدىڭ تۇراقتى قولداۋىنسىز جۇزەگە اسپايتىن ەدى», دەدى «تەڭىزشەۆرويل» جشس باس ديرەكتورى كەۆين لايون.
بۇگىنگى تاڭعا دەيىن ككج-ۇەقبج جوباسى اياسىندا تشو وتاندىق تاۋارلار مەن قىزمەتتەردى ساتىپ الۋعا 18 ملرد اقش دوللارىنان استام ينۆەستيتسيا سالدى. سونىمەن قاتار 4 000-عا جۋىق جەرگىلىكتى جۇمىسشى قكج جوباسىنا ءوز ۇلەسىن قوسۋ ءۇشىن ارنايى دايىندىقتان ءوتتى.
«مەن حالىقارالىق كومپانيالارمەن ارىپتەستىك پەن تەحنولوگيالار الماسۋىنىڭ ناتيجەسىندە قۇندى تاجىريبە جيناقتاعان وتاندىق كومپانيالاردىڭ جەتىستىكتەرىمەن ماقتانامىن», دەدى «تەڭىزشەۆرويل» جشس باس ديرەكتورىنىڭ ورىنباسارى كوڭىلقوش سۇيەسىنوۆ.
«تەڭىزشەۆرويل» ككج-ۇەقبج جوباسىن قاۋىپسىز اياقتاۋعا جاردەمدەسۋ ءۇشىن ءوز سەرىكتەستەرى مەن قر ۇكىمەتىمەن ىنتىماقتاستىقتى جالعاستىرادى.
الماتى
