ءىس-شارا بارىسىندا ش.شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعى وكسفورد «Birsöz» قوعامدىق كومپانياسى باستاعان جوبا اياسىندا وكسفورد ۋنيۆەرسيتەتىمەن ارىپتەستىك كەلىسىم ورناتتى.
ىنتىماقتاستىق مەموراندۋم نەگىزىندە بىرنەشە اۋقىمدى جوبالار جۇزەگە اسپاق. سولاردىڭ قاتارىندا ء«تىل-قازىنا» ۇلتتىق عىلىمي-پراكتيكالىق ورتالىعى وكسفورد عالىمدارىمەن سالالىق تەرمينولوگيالىق سوزدىكتەردى قۇراستىرۋ, وكسفورد ۋنيۆەرسيتەتى لينگۆيستيكالىق زەرتحانالارىنىڭ تاجىريبەسىن نەگىزگە الا وتىرىپ, اتالعان وقۋ ورىنىنىڭ ماماندارىمەن بىرگە ء«تىل-قازىنا» زەرتحاناسىن قۇرۋ جانە قازاق ءتىلىن شەت ءتىلى رەتىندە وقىتۋ ادىستەمەسىن جۇيەلەۋ مەن حالىقارالىق ستاندارتتاۋ ت.ب انا ءتىلىمىزدى دامىتۋعا تىڭ سەرپىن بەرەتىن ءىس-شارالار بار.
بۇل كەشەندى كەلىسىمگە ء«تىل-قازىنا» ۇلتتىق عىلىمي-پراكتيكالىق ورتالىعىنان بولەك, ا.بايتۇرسىن ۇلى اتىنداعى ءتىل ءبىلىمى ينستيتۋتى, «حالىقارالىق باعدارلامالار ورتالىعى» اق قاتىستى. باعدارلاما Oxford Birsöz initiative CIC باستاماسى ارقىلى ءارتۇرلى كوللەدجدەرمەن جانە فاكۋلتەتتەرمەن ىنتىماقتاستىقتى قامتيدى.
ايتا كەتەيىك, قر عىلىم جانە جوعارى ءبىلىم ءمينيسترى ساياسات نۇربەك بيىلعى قاڭتار ايىندا ۇلىبريتانيادا جوعارىدا اتالعان مەموراندۋمداردى ىسكە اسىرۋ تۋرالى كەلىسسوزدەر جۇرگىزۋ بارىسىندا مەملەكەت باسشىسىنىڭ تاپسىرماسى بويىنشا ازىرلەنگەن Oxford Qazaq Dictionary سوزدىگىنىڭ ءبىرىنشى باسىلىمىن ۇسىنعان ەدى.
