اتالعان دۇڭگىرشەكتە شەتەلدەن كەلگەن قوناقتارعا كورىكتى جەرلەر ءتىزىمى, ەكسكۋرسيالىق مارشرۋتتار, كولىك, بوس ۋاقىتتى قولايلى وتكىزۋ, شوپينگ, قالا كارتاسى جانە باسقا دا سۇراقتار بويىنشا كەڭەس بەرىلەدى. بۇل رەتتە قىزمەتتەر تەگىن كورسەتىلەدى.
– دۇڭگىرشەك اۋەجايدا تاۋلىك بويى جۇمىس ىستەيدى. ءبىز تۋريستەردىڭ تىلەكتەرى مەن مۇمكىندىكتەرىن ەسكەرە وتىرىپ, قالانىڭ كورىكتى جەرلەرى, ءتۇرلى ءىس-شارالار, ساۋدا ورتالىقتارى, قالا ماڭىنداعى تۋريستىك ورىندار, قوناقۇيلەردى برونداۋ, سونىمەن قاتار تاماقتانۋ ورىندارى تۋرالى اقپارات بەرەمىز. سونداي-اق دۇڭگىرشەكتەن قالانىڭ كارتاسى مەن تۋريستىك گيدتى تەگىن الۋعا بولادى, – دەيدى «استانا دامۋ ورتالىعى» دەپارتامەنتىنىڭ ديرەكتورى ولگا ابەلدينوۆا.
ەلورداعا العاش كەلگەن تۋريستەرگە اۋەلى ءۇش نەگىزگى ورىنعا بارۋ ۇسىنىلادى: بايتەرەك مونۋمەنتى, ۇلتتىق مۇراجاي مەن «Nur Alem» بولاشاق ەنەرگياسى مۇراجايى. ءتىزىم الداعى ۋاقىتتا جاڭا دەمالىس ورىندارىمەن تولىقتىرىلادى. ال قالا تاريحىمەن تانىسۋ ءۇشىن ساياحاتشىلار كەڭەسشىلەرىنىڭ ۇسىنىسى بويىنشا استانانىڭ وڭ جاعالاۋىنا جىبەرىلەدى. قازىرگى ۋاقىتتا قالادا وسىنداي ەكى دۇڭگىرشەك جۇمىس ىستەيدى: اۋەجايدىڭ 1-تەرمينالىندا جانە «بايتەرەك» مونۋمەنتىنىڭ جانىندا. دۇڭگىرشەكتەر اقپارات بەرىپ قانا قويماي, وتىنىشتەرگە مونيتورينگ جۇرگىزەدى. جىل باسىنان بەرى دۇڭگىرشەك قىزمەتكەرلەرى ەلوردا قوناقتارىنىڭ 6 مىڭنان اسا ءوتىنىشىن قابىلداعان.
ەركەناز قورداباي,
ل.ن. گۋميلەۆ اتىنداعى ەۇۋ ستۋدەنتى
