قازىر 115 وقۋشى ءبىلىم الاتىن 130 مەكتەپتە وقۋ ۇدەرىسى قاشىقتان ءجۇرىپ جاتىر. ەۆاكۋاتسيالىق ورتالىقتارداعى بالالار كەلەسىدەي بولىنۋدە:
باستاۋىش سىنىپ وقۋشىلارى (1-4 سىنىپتار) (207 بالا اتا-انالارىمەن بىرگە) وقۋ ۇدەرىسىن تولىق ۇيىمداستىرا وتىرىپ, ساۋىقتىرۋ ورتالىقتارىنا (لاگەرلەردە) ورنالاستىرىلادى. 5-8 سىنىپ وقۋشىلارى (1 577 بالا) «دارىن», بيل, نزم مەكتەپ ينتەرناتتارىنا ورنالاستىرىلادى. جوعارى سىنىپ وقۋشىلارى (9-11 سىنىپتار) (213 بالا) كوللەدجدەر مەن جوعارى وقۋ ورىندارىنا ۋاقىتشا ورنالاستىرىلادى.
ۆيتسە-پرەمەر مىندەت سۋ تاسقىنى جانە قالپىنا كەلتىرۋ جۇمىستارى اياقتالعانعا دەيىن بالالاردى وقۋمەن جانە جازعى دەمالىسپەن قامتاماسىز ەتۋ ەكەنىن اتاپ ءوتتى.
«الگوريتم ازىرلەندى, ونى جۇماعا دەيىن اكىمدىكتەرگە جەتكىزەمىز. بۇل جۇمىسقا كاسىپوداقتاردى, جەكەمەنشىك لاگەرلەر مەن مەكتەپتەردى, تەگىن جول ءجۇرۋدى قامتاماسىز ەتۋدە قتج-نى, جوو وقىتۋشىلارىن جانە ت.ب. قوسامىز. جالپىعا بىردەي ءبىلىم بەرۋ قورى اياسىندا بالالار بارلىق قاجەتتى كەرەك-جاراقپەن قامتاماسىز ەتىلەتىن بولادى. مەكتەپ پسيحولوگتەرىنىڭ جۇمىسى دا ۇيىمداستىرىلعان», دەدى ت.دۇيسەنوۆا.
سونىمەن قاتار ۆيتسە-پرەمەر مەديتسينالىق ونىمدەر مەن ءدارى-دارمەك قورى تۋرالى باياندادى.
دەنساۋلىق ساقتاۋ سالاسىنداعى ءۇش نەگىزگى مىندەت بويىنشا جۇمىستار جۇرگىزىلىپ جاتىر: سانيتارلىق-ەپيدەميولوگيالىق بريگادالار جۇمىسى, زارداپ شەككەندەرگە مەديتسينالىق كومەك كورسەتۋ جانە ولاردى ءدارى-دارمەكپەن قامتاماسىز ەتۋ.
اتاپ ايتقاندا, سانيتارلىق-ەپيدەميولوگيالىق بريگادالار اۋىل شارۋاشىلىعى مينيسترلىگى ماماندارىمەن بىرلەسە سۋ ساپاسىن تەكسەرۋ جانە ولەكسە كومىلگەن جەرلەر, قوقىس ورىندارى جانە سەپتيكتەردى باقىلاۋعا الۋ بويىنشا جۇمىستار جۇرگىزىپ جاتىر.
بۇدان بولەك, جۇمىس توبى ينفەكتسيالىق جانە باكتەريولوگيالىق اۋرۋلاردىڭ تارالۋىنىڭ الدىن الۋ ءۇشىن رەسەيلىك ارىپتەستەرىمەن ۇنەمى بايلانىستا. جۇمىس قورىتىندىسى بويىنشا ەسكەرتۋ شارالارى قولدانىلادى.
ۆيتسە-پرەمەردىڭ ايتۋىنشا, بارلىق جۇقپالى اۋرۋ اۋرۋحانالارى مەن مەدقىزمەتكەرلەر قاجەت بولعان جاعدايدا تاۋلىك بويى جۇمىس ىستەۋگە دايىندالىپ وتىر.
«الگوريتم بار, ەۆاكۋاتسيالىق پۋنكتتەردە ءموبيلدى توپتار جۇمىس ىستەپ جاتىر. ديسپانسەرلىك ەسەپتە تۇرعاندار مەن جۇكتى ايەلدەر ەرەكشە باقىلاۋدا. دەزينفەكتسيالىق قۇرالدار مەن ءدارى-دارمەكتىڭ 2 ايلىق قورىن جاساۋ مىندەتى تۇر», دەدى ت.دۇيسەنوۆا.
قاجەتتى ءدارى-دارمەك قورىن مەديتسينالىق ۇيىمداردىڭ بازالارىندا جانە سق «فارماتسيا» ايماقتىق قويمالارىندا جيناۋ جوسپارلانعان. قازىر دەنساۋلىق ساقتاۋ مينيسترلىگى وڭىرلەرمەن تىعىز بايلانىستا بەلسەندى جۇمىس جاساپ جاتىر.
قازاقستان رەسپۋبليكاسى ۇكىمەتىنىڭ 2014 جىلعى 19 جەلتوقسانداعى №1358 قاۋلىسى
شىعىندى وتەۋ قاعيدالارى
الگوريتم
- ماتەريالدىق زالال كەلتىرىلگەن زارداپ شەگۋشىلەر توتەنشە جاعداي تۋىنداعان كۇننەن باستاپ كۇنتىزبەلىك 30 كۇن ىشىندە جەرگىلىكتى اتقارۋشى ورگانعا (اكىمدىك) ماتەريالدىق زالالدى وتەۋ تۋرالى ءوتىنىش بەرەدى.
جابىرلەنۋشىنىڭ ءوزىنىڭ ءوتىنىش جازۋعا مۇمكىندىگى بولماعان جاعدايدا, ونىڭ تۋىستارى نەمەسە سەنىمحات نەگىزىندە وزگە دە ادامدار, سونداي-اق ەگەر جابىرلەنۋشى كامەلەتتىك جاسقا تولماعان بولسا, زاڭدى وكىلدەرى كەلتىرىلگەن زياندى (زالالدى) وتەۋ تۋرالى وتىنىشپەن جۇگىنە الادى.
كەلتىرىلگەن زالالدى وتەۋ تۋرالى وتىنىشكە: زارداپ شەگۋشى ادامنىڭ جەكە باسىن كۋالاندىراتىن قۇجاتتىڭ كوشىرمەسى; تابيعي سيپاتتاعى تج تۋىنداعان ساتتەن باستاپ نەمەسە تج جويۋ كەزەڭىندە زارداپ شەككەن ادامنىڭ جوعالعان جانە/نەمەسە ب ۇلىنگەن مۇلكىنىڭ تىزبەسى قوسا بەرىلەدى.
- وتىنىشتەر مەن قۇجاتتاردى تىركەۋدى اكىمدىك زارداپ شەگۋشىگە قۇجاتتاردىڭ قابىلدانعانىن راستايتىن قولحات بەرە وتىرىپ, ماتەريالدىق زالالدى وتەۋ تۋرالى وتىنىشتەردى تىركەۋ جۋرنالىندا جۇرگىزەدى.
- ماتەريالدىق زالالدى وتەۋ تۋرالى ءوتىنىش اكىمدىككە قۇجاتتار كەلىپ تۇسكەن كۇننەن باستاپ 15 جۇمىس كۇنى ىشىندە قارالادى.
- اكىمدىك ءوتىنىش تىركەلگەن كۇننەن باستاپ 10 جۇمىس كۇنى ىشىندە باعالاۋشىنى تارتا وتىرىپ, كەلتىرىلگەن زالالدىڭ مولشەرىن باعالاۋدى ء(وتىنىش بەرۋشىنىڭ مۇلكىنە قولجەتىمدىلىك بولۋعا ءتيىس) ۇيىمداستىرادى. جابىرلەنۋشى باعالاۋ جۇرگىزىلەتىن ۋاقىت پەن ورىندى انىقتايدى, كەيىن جابىرلەنۋشى باعالاۋ تۋرالى ەسەپپەن تانىسۋعا ءتيىس.
- اكىمدىك باعالاۋشى قورىتىندى شىعارعاننان كەيىن 3 جۇمىس كۇنى ىشىندە وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ جانە وبلىستىق ماڭىزى بار قالانىڭ بيۋدجەتىن اتقارۋ جونىندەگى ۋاكىلەتتى ورگانمەن كەلىسىلگەن قاراجات ءبولۋ تۋرالى شەشىم قابىلدايدى.
- زارداپ شەككەندەرگە تولەم ءتيىستى شەشىم قابىلدانعاننان كەيىن كۇنتىزبەلىك 30 كۇن ىشىندە جۇزەگە اسىرىلادى.
م ۇلىكتى تولىققاندى ءارى ساپالى باعالاۋ ءۇشىن ساراپشىلاردىڭ جۇمىسى سۋ تاسقىنى جاعدايى تۇراقتالىپ, ۇيلەر مەن اۋلا اۋماقتارىنان سۋ تولىعىمەن تارتىلعاننان كەيىن باستالادى.
جەرگىلىكتى اتقارۋشى ورگاندارعا قاجەت بولعان جاعدايدا وتىنىشتەردى قابىلداۋ مەرزىمىن ۇزارتۋ تاپسىرىلدى.
