حالقىمىزدا «ەل باسىنا كۇن تۋسا ەتىگىمەن سۋ كەشەر, ات باسىنا كۇن تۋسا اۋىزدىعىمەن سۋ ىشەر» دەگەن ءسوز بار. ءتىلسىز جاۋدىڭ تاۋقىمەتىن الەۋمەتتىك جەلىدەن كورىپ, ابىگەرگە تۇسكەن ەل تۇرعىندارى دۇعا-تىلەكتەرىن ارناپ, كوپ تۇكىرسە كول دەگەندەي, تۇس-تۇستان قول ۇشىن سوزىپ جاتقاندارى دا بەلگىلى. الايدا, ەلوردا تورىندە مەملەكەت باسشىسى ق.ك.توقاەۆتىڭ توراعالىعىمەن ناقتى شەشىمدەر قابىلدانىپ, ۇكىمەت باسشىسى باستاعان توپتىڭ توپان سۋدىڭ باسى-قاسىندا جۇرگەندىگى كوڭىلگە قۋات, جۇرەككە شۋاق ۇيالاتتى. سۋ باسقان وڭىرلەرگە ءجىتى نازارىن اۋدارىپ وتىرعان قر پرەزيدەنتى قاسىم-جومارت كەمەل ۇلى حالىققا ارناعان ۇندەۋىندە قيىندىققا تاپ بولعان ءاربىر شاڭىراقتىڭ اۋىرتپالىعى ارتتا قالىپ, ەل تۇرعىندارىن الاڭداتقان ماسەلەنىڭ ەڭسەرىلەتىنىن ايتىپ, ەلدىڭ قورقىنىشى ءبىرشاما سەيىلگەندەي بولدى. مۇنداي قيىندىقتار بارىسىندا حالقىمىز قاشاندا ءبىر-ءبىرىن سابىرعا شاقىرىپ, بايىپتى ارەكەتتەرگە كوشكەن-ءدى. ايتپاي كەلگەن تابيعي اپاتتىڭ بەتىن قايتارىپ, ءبىرجولا ەڭسەرۋگە بەل بۋعان بيلىكتىڭ ءاربىر قادامىنا قولداۋ بىلدىرەيىك. توتەنشە جاعدايلار جاريالانعان وڭىرلەردەگى ەل تۇرعىندارىنىڭ اۋىرتپالىقتارىنا شىمكەنت قالاسىندا ورنالاسقان جۇمابەك تاشەنەۆ ۋنيۆەرسيتەتىنىڭ ۇجىمى الاڭداۋشىلىق تانىتىپ, تابيعي اپاتتىڭ تەز ارادا ەڭسەرىلۋىنە تىلەۋلەس ەكەندىگىن بىلدىرەدى.
بۇعان دەيىن دە تابيعي اپاتتار مەن جارىلىستار ورىن الىپ, مەملەكەت باسشىسىنىڭ تىكەلەي ارالاسۋىمەن بار قيىندىقتاردىڭ ارتتا قالعانىنا ەل كۋا. قورقىنىشتىڭ ارتى قۋانىشقا ۇلاسسىن! ءبىز بىرگەمىز!
عالىمجان ءشامشىدىن ۇلى بيتۇرسىن
جۇمابەك تاشەنەۆ ۋنيۆەرسيتەتىنىڭ پرورەكتورى
