بيشىمباەۆتىڭ ايتۋىنشا, اقىر سوڭىندا وقيعا ورنىنا جەدەل جاردەم قىزمەتكەرلەرى شاقىرىلدى. بىراق سالتانات نۇكەنوۆانىڭ جۇرەك قاعىسى دارىگەرلەر كەلگەنگە دەيىن توقتاپ قالعان.
«بايجانوۆقا جەدەل-جاردەم شاقىر دەدىم. ول جەدەل جاردەمگە حابارلاستى, ولار وعان جاساندى تىنىس پەن جۇرەك ماسساجىن جاساسىن دەپ ايتتى. سالتاناتقا سول جاتتىعۋلاردى ءوزىم جاسادىم. وعان جاقىنداپ, يەگىن اشقىم كەلدى, بىراق سۇيەگى قارىسىپ قالعان ەدى. ادام قايتىس بولعان كەزدە جاق سۇيەكتەرى قارىسىپ قالاتىنىن بىلەتىنمىن. سالتاناتتىڭ كوز جۇمعانىن سول كەزدە ءتۇسىندىم. ارتىنان جەدەل جاردەم قىزمەتكەرلەرى دە كەلدى», دەدى بيشىمباەۆ.
ونىڭ ايتۋىنشا, ول سالتاناتتىڭ كوز جۇمعانىن تۇسىنگەن كەزدە شوك كۇيىنە ءتۇسىپ, ءوزىن ولتىرمەكتى بولعان.
«شوك كۇيىندە اس ۇيگە بارىپ, ءوزىمدى پىشاقتاعىم كەلدى. بىراق پوليتسيا قىزمەتكەرلەرى كەلىپ, ماعان كەدەرگى جاسادى», دەپ قوستى ايىپتالۋشى.
