فوتو: تۇرار قازانعاپوۆ, ©️Tengrinews.kz
اتالعان وبلىستىڭ شەكاراسى رەسمي تۇردە 2024 جىلدىڭ قاڭتارىندا كەڭەيتىلدى, ەنگىزىلگەن اۋماقتىڭ جالپى كولەمى 722 مىڭ گەكتارعا جۋىق. اتالعان ۋچاسكە ەلىمىزدىڭ سۋ قورى جەرلەرi ساناتىنا جاتادى جانە قازاقستان شەكاراسىندا وزگەرiستەر تۋدىرمايدى.
«بيىل ايماق شەكاراسىن كەڭەيتۋ جۇمىستارىن جالعاستىرۋ جوسپارلانعان. قازاقستاننىڭ كاسپي تەڭىزىندەگى اۋماقتىق سۋلارىنىڭ (تەڭىزىنىڭ) ەنى مەن سىرتقى شەكاراسىن جانە ماڭعىستاۋ وبلىسى شەكاراسىن ەسەپتەۋ ءۇشىن وسى جىلى وبلىس اۋماعىنا جالپى كولەمى 1 ميلليون 638 مىڭ گەكتار جەر ۋچاسكەسىن قوسۋ جونىندە ءتيىستى شارالار قابىلداۋ تاپسىرىلدى, ول باستاپقى جەلىلەر اراسىندا 12 تەڭىز ءميلىن قۇرايدى», دەدى نۇرجان قارجاۋباي.
