فرانتسيادا وقيمىن دەسەڭىز...

عىلىم جانە جوعارى ءبىلىم مينيستر­لىگىنىڭ حابارلاۋىنشا, قۇجاتتاردى قابىلداۋدىڭ سوڭعى كۇنى: 2024 جىلدىڭ 12 مامىرى (24.00-گە دەيىن). «اباي-ۆەرن» ستيپەنديالىق باعدارلاماسى – قازاقستان رەسپۋبليكاسى عىلىم جانە جوعارى ءبىلىم مينيسترلىگى مەن فرانتسۋز رەسپۋبليكاسىنىڭ ەۋروپا جانە سىرت­قى ىستەر مينيسترلىگى اراسىنداعى بىرلەس­كەن جوباسى. بۇل باعدارلاما شەڭبەرىندە ماماندىق تاڭداۋعا شەكتەۋسىز قازاق­ستاندىق جوعارى وقۋ ورىندارىندا وقي­تىن ەكىنشى وقۋ جىلىنداعى ماگيسترانتتار ءۇشىن 45 ستيپەنديا جانە ديسسەرتاتسيالىق جۇمىسىن بىرلەسكەن عىلىمي جەتەكشىلىك نەگىزىندە جۇزەگە اسىرۋدى كوزدەگەن دوكتورانتتار ءۇشىن 5 ستيپەنديا ۇسىنىلادى.

مينيسترلىك جاريالاعان حابار­لان­دىرۋدا: «ماگيستراتۋراعا شاكىرتاقى الۋ­­­عا كونكۋرسقا جاس شاماسىنا شەكتەۋ جوق, قازاقستان رەسپۋبليكاسىنىڭ ازاماتى, 2024-2025 وقۋ جىلىنا قازاقستان­دىق جوعارى وقۋ ورنى ماگيستراتۋراسى­نىڭ 2-كۋرسىندا وقيتىن, فرانتسيانىڭ ۋنيۆەرسيتەتىنە Master 1 نەمەسە Master ­2 باع­­دارلاماسى بويىنشا قابىلدانعانى جو­نىندە شاقىرۋ نەمەسە راستاۋ حاتى بار ۇمىتكەرلەر قاتىسا الادى. سونىڭ ىشىندە قوس ديپلوم باعدارلامالارى بويىنشا ءبىلىم الۋشىلارعا باسىمدىق بەرىلەدى. ال دوكتورانتۋراعا شاكىرت­اقى الۋعا كونكۋرس­قا قاتىسۋ ءۇشىن: قازاق­ستان رەسپۋبليكاسى­نىڭ ازاماتتىعىنىڭ ­بولۋى; جاس شاماسى شەكتەۋسىز; 2024-2025 وقۋ جىلىنا ديسسەرتاتسيانى بىرلەس­كەن عىلىمي جەتەكشىلىك­پەن دايارلاۋدى كوزدەيتىن قازاقستاندىق ۋني­ۆەر­سي­تەتى دوكتورانتۋراسىنىڭ 1-كۋرسى­­نا تىركەلۋ; فرانتسيانىڭ جوعارى وقۋ ور­نى­نا دوكتورانتۋرانىڭ 1-كۋرسىنا قابىلد­انعانى جونىندە شاقىرۋ نەمەسە راستاۋ حاتتىڭ بولۋى تالاپ ەتىلەدى», دەلىنگەن.

باعدارلاما بويىنشا ستيپەنديا ۇتىپ العان ماگيسترانتتارعا ايىنا 10 اي ىشىن­­دە (قىركۇيەكتەن ماۋسىمعا دەيىن) 800 ەۋرو, دوكتورانتتارعا 3 جىل ىشىندە جىلىنا ­6 اي مەرزىمگە ايىنا 1500 ەۋرو كولەمىن­دە شاكىرتاقى (جوعارى وقۋ ورنى بۇي­رىق شىعارعان كەزدەگى قازاقستان رەسپۋبليكاسى ۇلتتىق بانكىنىڭ كۋرسىنا ساي) تولەنەدى. ال فرانتسۋز ۇكىمەتىنىڭ الەۋمەتتىك قامتۋ بويىنشا شاكىرتاقىسى (BCS) مىناداي مۇمكىندىكتەر بەرەدى:

– فرانتسياعا تەگىن ۇزاقمەرزىمدى ستۋ­دەنت­تىك ۆيزا (نەگىزىندە ستيپەنديا المايتىن ستۋدەنتتەرگە ۆيزا 99 ەۋرو تۇرادى);

– فرانتسياداعى مەملەكەتتىك وقۋ ورىن­دارىنىڭ كوپشىلىگىندە مىندەتتى تىركەۋ جارناسىن (شەتەلدىك ستۋدەنتتەر ماگيستراتۋرادا وقۋ ءۇشىن تىركەۋ جارناسىنا جىلىنا 3 770 ەۋرو, دوكتورانتۋرادا وقۋ ءۇشىن جىلىنا 380 ەۋرو تولەۋگە ءتيىس) تولەۋدەن بوساتىلادى;

– CROUS جاتاقحانالارىنان ورىن الا الادى (CROUS مەملەكەتتىك ۋنيۆەرسيتەت جاتاقحاناسىنىڭ جالداۋ اقىسى ايىنا 300-دەن 600 ەۋروعا دەيىن, ال جەكەمەنشىك سەكتورىندا ايىنا 800-دەن 1000 ەۋروعا دەيىنگى سومانى قۇرايدى);

– ستۋدەنتتىك اسحانالاردا جەڭىل­دىك­پەن (كەشەندى تۇسكى اس-1 ەۋرو) تاماق­تا­نادى;

– تەگىن قوسىمشا مەديتسينالىق ساق­تاندىرۋ (شاكىرتاقى المايتىندار ءۇشىن 300 ەۋرو) اقىسى تولەنەدى;

– Campus France اگەنتتىگى تاراپىنان اقپاراتتىق قولداۋ كورسەتىلەدى.

بىراق ستيپەنديات مىنا ماسەلەنى ءتۇسىنۋى كەرەك, كولىك شىعىندارىن ستۋدەنتتەر ءوز قالتاسىنان تولەيدى. وسىعان قوسا ستۋدەنت بارلىق ساباققا قاتىسۋعا مىندەتتى, ولاي بولماعان جاعدايدا شاكىرتاقىنى تولەۋ توقتاتىلادى. وقۋ جىلى بارىسىندا ستۋدەنتتىڭ باستاماسىمەن وقۋ توقتاتىلعان جاعدايدا (توتەنشە جاعدايلاردى قوس­پا­عاندا), ستۋدەنت بۇرىن اۋدارىلعان قارا­جاتتى تولىق كولەمدە قايتارۋعا ءتيىس.

ۇمىتكەردىڭ قۇجاتتاماسىنا قاتىستى تالاپتارعا كەلسەك, فرانتسۋز جوعارى وقۋ ورىندارىنا نەمەسە عىلىمي-زەرتتەۋ ورتا­لىعىنا ماگيستراتۋرا نەمەسە دوكتورانتۋرا باعدارلامالارى بويىنشا وقۋعا الدىن الا قابىلدانعانى جونىندە شاقىرۋ-حاتى بولۋ كەرەك. قابىلداۋ ءراسىمى اياقتالماعان جاعدايدا, ءوتىنىشتىڭ كوشىرمەسىن تىركەۋ قاجەت. ودان كەيىن تاڭدالعان باعدارلاماعا بايلانىستى فرانتسۋز نەمەسە اعىلشىن تىلىندە, سونداي-اق قازاق نەمەسە ورىس تىلىندە تۇيىندەمە جانە تۋرا وسىنداي تىلدەرگە قاتىستى تارتىپپەن ۋاجدەمەلىك حات ء(بىر پاراق, تەك الدىڭعى جاعى) تالاپ ەتىلەدى. پاسپورتتىڭ ءبىرىنشى بەتىنىڭ, باكالاۆرياتتان باستاپ ديپلومدار مەن باعالا­رى بار قوسىمشالاردىڭ كۋالاندىرىل­عان كوشىرمەسى كەرەك. فرانتسۋز تىلىندە وقۋ باعدارلاماسىن تاڭداعان ۇمىتكەرلەر B1 (DELF, DALF, TCF) دەڭگەيىنەن تو­مەن ەمەس فرانتسۋز ءتىلىن مەڭگەرگەنى تۋرالى ديپ­لوم وتكىزۋگە ءتيىس. بىراق بۇل تالاپ جوعارى وقۋ ورىنداردا فرانتسۋز تىلىندە ءبىلىم العان ۇمىتكەرلەرگە قولدانىلمايدى. سول سەكىل­دى اعىلشىن تىلىندە وقۋ باعدارلاماسىن تاڭداعان ۇمىتكەرلەر ۆ2 (توەىس, توەFL, ىەLتS) دەڭگەيىنەن تومەن ەمەس اعىلشىن ءتىلىن مەڭگەرگەنى تۋرالى ديپلوم تاپسىرۋ­عا مىندەتتى. بىراق مۇندا دا جوعارى وقۋ ورىنداردا اعىلشىن تىلىندە ءبىلىم العان ۇمىتكەرلەردەن تالاپ ەتىلمەيدى. دوك­تو­ران­تۋراعا وقۋعا ۇمىتكەرلەر قوسىمشا مى­ناداي قۇجاتتاردى تاپسىرادى: 1.عى­لى­مي جەتەكشىنىڭ پىكىرىمەن قوسا عى­لىمي زەرتتەۋ جوباسىنىڭ قىسقاشا سي­پاتتاماسى (ديسسەرتاتسيانىڭ تىلىنە بايلانىستى فرانتسۋز نەمەسە اعىلشىن تىلىندە – ەكى بەت), سونداي-اق قازاق نەمەسە ورىس تىلىندە; 2.شىعارىلعان عىلىمي ەڭ­بەكتەرى مەن جاريالانىمدارىنىڭ تىزبەسى (اعىلشىن نەمەسە فرانتسۋز تىلىندە), سونداي-اق قازاق نەمەسە ورىس تىلىندە; 3.عىلىمي جەتەكشىلەرى تاراپىنان اعىلشىن نەمەسە فرانتسۋز تىلىندە ۇسىنىس حات (ەركىن نىساندا), سونداي-اق قازاق نەمەسە ورىس تىلىندە.

ۇمىتكەر ءوزىنىڭ قۇجاتتاماسىن 10 مب اسپايتىن PDF فورماتىندا verne@gmail.com ەلەكتروندىق مەكەنجايعا جىبە­رۋ قاجەت. بارلىق قۇجاتتاما ماگيس­تراتۋرا باعدارلامالارى ءۇشىن «2024Master_تەگى_ەسىمى» دەگەن اتاۋمەن, دوكتورانتۋرا باعدارلامالارى ءۇشىن «2024PhD_تەگى_ەسىمى» دەگەن اتاۋمەن جانە تەگى مەن ەسىمى تولقۇجاتتاعىداي لا­تىن ارىپتەرىمەن جازىلىپ جولدا­نۋى كەرەك. دۇرىس رەسىمدەل­مەگەن قۇجات­تامالار قاراستىرىلمايدى. قۇجاتتاما قابىلدانعاننان كەيىن ۇمىت­كەرگە راستاۋ-حات جىبەرىلەدى. ىرىكتەۋدى تاۋەلسىز قازاقستان-فرانتسۋز ارالاس كوميسسياسى جۇزەگە اسىرادى. كونكۋرستىڭ ناتيجەلەرى 2024 جىلعى ماۋسىم ايىنىڭ باسىندا فرانتسيانىڭ قازاقستانداعى ەلشىلىگى­نىڭ https://kz.ambafrance.org/سايتىندا جا­ريالانادى. «اباي-ۆەرن» باعدارلاما­سى­نا قاتىستى قوسىمشا اقپاراتتى فران­تسۋز اليانستارى جانىندا ورنالاسقان Campus France اگەنت­تىكتەرى تاراپىنان الۋعا ­بولادى.