ايگۇل جامالوۆا – مەديا سالاسىندا 15 جىلدان استام تاجىريبەسى بار كاسىبي جۋرناليست جانە مەديامەنەدجەر. ول بەدەلدى «بولاشاق» ستيپەندياسى ارقىلى ۇلىبريتانيانىڭ ليدس ۋنيۆەرسيتەتىنىڭ حالىقارالىق جۋرناليستيكا ماگيسترى دارەجەسىنە يە بولدى. ال 2021 جىلدان باستاپ MNU-دە لەكتور قىزمەتىن اتقارادى.
Maqsut Narikbayev University كومانداسىنا قوسىلعانعا دەيىن ايگۇل جامالوۆا «جەتىنشى ارنا», «Atameken Business» سياقتى قازاقستاننىڭ جەتەكشى مەدياكومپانيالارىندا باسشىلىق قىزمەتتەرىن اتقاردى. ونىڭ digital-ستراتەگيالارىن ازىرلەۋ جانە ىسكە اسىرۋ, ينتەرنەت-ماركەتينگ, ينتەرنەتتەگى جەكە جانە كورپوراتيۆتىك برەندتى جىلجىتۋ, سونداي-اق ءۇش تىلدە ەكسكليۋزيۆتى سۇحباتتار جۇرگىزۋ جانە ءماتىن جازۋ سالاسىندا مول تاجىريبەسى بار.
ءوز قىزمەت جولىندا ايگۇل جامالوۆا «استانا» حالىقارالىق قارجى ورتالىعىندا كورپوراتيۆتىك كوممۋنيكاتسيالار جونىندەگى ديرەكتور لاۋازىمىن اتقاردى, وندا برەندتىڭ جاڭارتىلعان digital-ستراتەگياسىن ىسكە اسىرۋمەن جانە ىشكى كوممۋنيكاتسيالاردى قۇرۋمەن اينالىستى.
Maqsut Narikbayev University ايگۇل جامالوۆانىڭ مول تاجىريبەسى, تەرەڭ ءبىلىمى, كوشباسشىلىق قابىلەتى ۋنيۆەرسيتەتتىڭ دامۋىنا وڭ اسەر ەتىپ, ال حالىقارالىق جۋرناليستيكا مەكتەبى ونىڭ جەتەكشىلىگىمەن قازاقستاندا بىلىكتى جۋرناليستەردى دايارلاۋدىڭ ورتالىعىنا اينالاتىنىنا سەنىمدى.
ەسكە سالايىق, 2023 جىلدىڭ قىركۇيەك ايىندا Maqsut Narikbayev University-دە پرەزيدەنت تەلەراديوكەشەنىنىڭ قولداۋىمەن قازاقستانداعى العاشقى حالىقارالىق جۋرناليستيكا مەكتەبىنىڭ سالتاناتتى اشىلۋ ءراسىمى وتكەن ەدى.
