سوت بەينەباقىلاۋ كامەراسىنان الىنعان كادرلاردى زەردەلەي كەلە, قىزدىڭ بالانى قورلاپ, ارانداتقانى تۋرالى قورىتىندىعا كەلدى.
سوت ۇكىمىنەن بەلگىلى بولعانداي, سول كۇنى التىنشى سىنىپ وقۋشىسى فيزيكا ساباعىنا بارا جاتقاندا, ونى جەتىنشى سىنىپ وقۋشىسى مەن ونىڭ دوسى دالىزدە كۇتىپ العان. ءجاسوسپىرىم قىز ونىڭ سىرتقى ءتۇرى, كيگەن كيىمدەرى تۋرالى كەمسىتەتىن سوزدەر ايتقان, سونىمەن قاتار ريۋكزاكتان سۋسىن بوتەلكەسىن الىپ قويعان.
قىزدىڭ اناسى اتاپ وتكەندەي, التىنشى سىنىپ وقۋشىسى ءوزىن ادەپسىز ۇستاپ, قىزىنا ادەپسىز قيمىلدار كورسەتكەن, سول سەبەپتى ول ونىڭ ۇستىنەن مۇعالىمگە شاعىمدانعان.
ءبىر قىزىعى, مەكتەپتەگى قاقتىعىسقا قاتىسۋشىلاردىڭ ەكەۋى دە وڭ باعىتتا سيپاتتالادى, بىراق مۇعالىمدەر ۇل بالانى «كەيدە ءيمپۋلسيۆتى» جانە تىم سەزىمتال دەپ سانايدى.
ناتيجەسىندە سوت قىزدىڭ ارەكەتى ۇساق بۇزاقىلىققا جاتادى دەگەن قورىتىندىعا كەلدى. اناسى قىزىن تاربيەلەۋ بويىنشا ءوز مىندەتتەرىن ورىنداماعانى ءۇشىن كىنالى دەپ تانىلىپ, وعان 51 688 تەڭگە كولەمىندە اكىمشىلىك ايىپپۇل سالىندى.
ەسكە سالا كەتەيىك, بۇعان دەيىن جەلىدە پاۆلودار وبلىسىندا اۋدان اكىمىنىڭ ۇلى وقۋشى قىزدى سوققىعا جىققانى تۋرالى اقپارات پايدا بولعان ەدى.
«شىنىمەن دە, مۇنداي فاكت بولعان. بارلىعىنا ايتقىم كەلەدى, ءبىز الەۋمەتتىك جەلىلەردە پايدا بولعان ءاربىر جاعدايدى مۇقيات تەكسەرىپ, ءتيىستى مەملەكەتتىك ورگاندارعا مىندەتتى تۇردە حابارلايمىز. وسى فاكتى بويىنشا تەرگەۋ ءجۇرىپ جاتىر, سوعان سايكەس ءتيىستى شارالار قابىلدانادى», دەدى ۆيتسە-مينيستر ەدىل وسپان.
بالالاردىڭ قۇقىقتارىن قورعاۋ كوميتەتى توراعاسىنىڭ ورىنباسارى يۋليا وۆەچكينا ءوز كەزەگىندە بالانىڭ اتا-اناسىن اكىمشىلىك جاۋاپكەرشىلىككە تارتۋ بويىنشا جيىن وتكىزىلگەنىن ايتتى.
