وبلىستىڭ بىرقاتار وڭىرىندە قاردىڭ قارقىندى ەرۋىنەن جانە بىرنەشە كۇن جاۋعان جاۋىن-شاشىن سالدارىنان ەلدى مەكەندەردى سۋ تاسقىنى باسىپ كەتتى. وسىعان وراي پرەمەر-ءمينيستردىڭ ءبىرىنشى ورىنباسارى رومان سكليار باتىس قازاقستان وبلىسىنا ارنايى ىسساپارمەن كەلدى. رومان سكليار وبلىس اكىمى ناريمان تورەعاليەۆپەن بىرگە سۋ تاسقىنى بولعان اۋماقتاردى تىكۇشاقپەن ارالاپ, جاعدايدى ءوز كوزىمەن كوردى.
قازىرگى ۋاقىتتا وبلىستىڭ تەرەكتى, سىرىم, قاراتوبە, ءبورلى اۋداندارىندا 1065 ادام ەۆاكۋاتسيالانىپ, قاۋىپسىز جەرگە ورنالاستىرىلدى.
العاشقى كۇننەن باستاپ پوليتسيا قىزمەتكەرلەرى ءتىلسىز جاۋمەن كۇرەستە الدىڭعى شەپتە ءجۇر. قازىر ولار تۇرعىندارى ەۆاكۋاتسيالانعان ەلدى مەكەندەردەگى ازاماتتاردىڭ مۇلكىن قورعاۋ ءۇشىن تاۋلىك بويى كەزەكشىلىك ورناتقان. سونداي-اق, قاراتوبە جانە شىڭعىرلاۋ اۋداندارىنىڭ پوليتسيا قىزمەتكەرلەرى قايىرىمدىلىق كومەك كورسەتىپ جاتىر. سۋ تاسقىنىنان زارداپ شەككەن وتباسىلاردى ازىق-ت ۇلىكپەن, قاجەتتى كەرەك-جاراقتارىمەن قامتاماسىز ەتۋگە دە قول ۇشىن سوزعان.
جەرگىلىكتى اكىمدىكتەر, پوليتسيا جانە توتەنشە جاعدايلار ورگاندارى سۋ باسقان نىسانداردى تازارتۋ, ادامداردى قۇتقارۋ بويىنشا جان-جاقتى شارا قولداندى.
قازىر باتىس قازاقستان وبلىسىندا 17 ەلدى مەكەنگە باراتىن جولدى سۋ باستى. ونىڭ ىشىندە 3 وبلىستىق جانە 16 جەرگىلىكتى ماڭىزى بار اۆتوجولدار ءب ۇلىندى. بۇل ايماقتاردا جول قاۋىپسىزدىگىن قامتاماسىز ەتۋ ءۇشىن وبلىستىق پوليتسيا دەپارتامەنتىنىڭ پاترۋلدىك پوليتسيا باتالونى قىزمەتكەرلەرى ستاتسيونارلىق بەكەتتەر ورناتىپ, كۇنى-ءتۇنى كەزەكشىلىكتە تۇر.
«جالپى سۋ تاسقىنىنان قورعاۋ جۇمىستارىنا 88 پوليتسيا قىزمەتكەرى مەن 40 قىزمەتتىك تەحنيكا جۇمىلدىرىلدى», دەپ حابارلايدى بقو پد ءباسپاسوز قىزمەتى.
بۇدان بۇرىن حابارلاعانداي, وڭىرگە ماڭعىستاۋ وبلىسىنان, توتەنشە جاعدايلار مينيسترلىگىنەن اسكەري ءبولىم كۇشتەرى, ۇلتتىق قاۋىپسىزدىك كوميتەتىنىڭ شەكارا قىزمەتىنەن «مي-8» تىكۇشاقتارى كومەكتە ءجۇر.
باتىس قازاقستان وبلىسى
