فوتو: tengrinews.kz
وتىرىس بارىسىندا الەۋمەتتىك كومەك كورسەتۋ, سۋ تاسقىنى سالدارىن, اتاپ اي̆تقاندا باي̆لانىس, ەلەكتر ەنەرگياسى, جول قاتىناسى, تەلەفونيا, سانيتارلىق-ەپيدەميولوگيالىق جاعداي̆دى قالپىنا كەلتىرۋ ماسەلەلەرى تالقىلاندى.
وتكەن تاۋلىكتىڭ وزىندە تجم جانە اكىمدىكتەردىڭ كۇشىمەن 116 مىڭ تەكشە مەتردەن استام ەرىگەن قار سۋ سورىلدى, سونداي-اق 5,8 مىڭنان استام قاپشىق جانە 370 توننا ينەرتتى ماتەريال توسەلدى.
«اۆاريالىق-قۇتقارۋ جۇمىستارىنا 953 ادام, 441 بىرلىك تەحنيكا, 157 بىرلىك سۋ اي̆داۋ قۇرالدارى جانە 22 بىرلىك ءجۇزۋ قۇرالدارى, 4 اۋە تەحنيكاسى تارتىلدى.
38 ەلدى مەكەن ەلەكتر قۋاتىنان اجىراپ قالدى. قۇمار اقساقالوۆ اقاۋلاردى جويۋ جۇمىستارىن جەدەل جۇرگىزۋدى تاپسىردى», دەلىنگەن اكىمدىك حابارلاماسىندا.
ودان بولەك وبلىس اكىمى زارداپ شەككەن حالىققا جەدەل كومەك كورسەتۋدى تاپسىردى.
«زارداپ شەككەندەردىڭ بارلىعىنا جەدەل تۇردە الەۋمەتتىك كومەك كورسەتۋ قاجەت. حالىق كۇتىپ وتىرماۋى ءۇشىن بۇگىن بارلىق ۇي̆لەردى ارالاڭىزدار», دەدى قۇمار اقساقالوۆ.
شىعىندى وتەۋ باعالاۋ جۇرگىزىلگەننەن كەي̆ىن زاڭناماعا ساي̆كەس جۇزەگە اسىرىلاتىن بولادى. بارلىق ءۇش اۋدان ءۇشىن باعالاۋشى بولىپ بەلگىلەنگەن «ستەللا» جشس-مەن كەلىسىم-شارت قول قويۋ كەزەڭىندە تۇر.
«قازىرگى ۋاقىتتا شىعىندى جەرگىلىكتى بيۋدجەت ەسەبىنەن وتەۋ ءۇشىن زارداپ شەككەندەردەن وتىنىشتەر جينالىپ جاتىر. ماسەلەن, سۋ تاسقىنىنان نەعۇرلىم كوپ زارداپ شەككەن «قىزىل جۇلدىز» اۋىلىنىڭ تۇرعىندارىنان 185 ءوتىنىش جينالدى. ولارعا دەمەۋشىلىك جانە قاي̆ىرىمدىلىق كومەك ەسەبىنەن وتباسىنىڭ ءاربىر مۇشەسىنە 100 مىڭ تەڭگە, بارلىعى 18 500 مىڭ تەڭگە سوماسىندا جەدەل كومەك كورسەتۋ تۋرالى شەشىم قابىلداندى», دەلىنگەن حابارلامادا.
