فوتو: قفف
بۇعان دەيىن ەلىمىزدىڭ فۋتبولشىلارى جولداستىق كەزدەسۋدە ليۋكسەمبۋرگ قۇراماسىنان 1:2 ەسەبىمەن جەڭىلىپ قالدى. باس باپكەر كومانداعا جاڭا باپكەر كومەكتەسە الادى دەپ ەسەپتەيدى.
«الدا قيىن جول كۇتىپ تۇرعانىن بىلەمىن. ءبىزدىڭ اكتيۆتەرىمىز تومەندەپ جاتىر. دەسەك تە ءبىز قايتا ىسكە كەلۋىمىز كەرەك نەمەسە بىزگە بەلگىلى ءبىر كەزەڭگە قۇرامانى ءبىر سىلكىندىرەتىن جاڭا جاتتىقتىرۋشى كەرەك. بىراق جاڭا باپكەر كەلەشەكتە جاعدايدى باستان اياق دۇرىستايدى دەپ ويلامايمىن, بۇل جەردە ءبىز بىرنەشە جىلعا ۇلتتىق قۇرامانى تۇبەگەيلى قايتا دايىنداپ, ونى الەم چەمپيوناتىنا ىرىكتەۋگە دايىنداۋىمىز كەرەك. فەدەراتسياعا جاڭا تۇلعالار مەن جاڭا يدەيالار قاجەت. مەن باتىپ بارا جاتقان كەمەدەن ەشقاشان قاشىپ كورگەن ەمەسپىن, بىراق, ەكىنشى جاعىنان, مەن ەشقاشان ءوز ورنىمدى ۇستاعان ەمەسپىن. قانداي جاعداي بولسا دا ابىرويمەن قابىلدايمىن. ەگەر ولار ماعان ەسىكتىڭ تۇسىن كورسەتسە مەن كەتەمىن», دەدى م.اديەۆ.
ايتا كەتەيىك, ماگومەد اديەۆتىڭ باپكەرلىگىمەن قازاقستان قۇراماسى ەۋروعا ىرىكتەۋدە ءوز تاريحىنداعى ەڭ جاقسى ناتيجە كورسەتىپ, ۇلتتار ليگاسىنىڭ س ديۆيزيونىندا توپ جارعان بولاتىن. بىراق شەشۋشى ماتچتاردا سلوۆەنيا مەن گرەكيادان جەڭىلىپ قالعان ۇلتتىق قۇراما ەۋروپا چەمپيوناتىنا جولداما الا المادى.
