فوتو: depositphotos.com
يپوتەكالىق باعدارلامانىڭ ازىرگە ناقتى شارتتارى بەلگىلەنبەگەن. بەلگىلىسى تەك كوپبالالى وتباسى مەن الەۋمەتتىك وسال توپقا جاتاتىن جەتىم بالالار, مۇگەدەكتىگى بار تۇرعىندار ءۇشىن باسپانا 7 پايىز كورسەتكىشپەن بەرىلەدى.
قالعان ساناتتاعى ادامدار 9 پايىزدىق كورسەتكىشپەن ءۇي الۋعا قۇقىلى.
الماتى مەن استانالىقتار ەڭ جوعارى سوماسى 30 ميلليون تەڭگەگە دەيىن يپوتەكالىق نەسيە راسىمدەي الادى. شىمكەنت قالاسىن قوسقاندا مەگاپوليستىكتەر باستاپقى ءۇي نارىعىنان عانا باسپانا الۋعا مۇمكىندىگى بار. ال قالعان وڭىرلەر: اقتاۋ, اقتوبە, اتىراۋ, قاراعاندى, كوكشەتاۋ, قوستاناي, قىزىلوردا, قوناەۆ, پاۆلودار, پەتروپاۆل, سەمەي, جەزقازعان, تالدىقورعان, تاراز, تۇركىستان, ورال, وسكەمەن تۇرعىندارىندا بۇل كورسەتكىش - 18 ملن تەڭگە. ءوڭىر تۇرعىندارى باستاپقى, ەكىنشى نارىقتاعى ۇيلەر مەن جەكە سەكتورداعى ءۇيدى يپوتەكاعا الۋ مۇمكىندىگى قارالعان.
وسىلايشا جاڭا يپوتەكالىق باعدارلاما مونوقالالاردا عانا ەمەس ەلدىڭ بارلىق ايماعىن قامتىماق.
15 ناۋرىزدا مەملەكەت باسشىسى قاسىم-جومارت توقاەۆ ۇلتتىق قۇرىلتاي وتىرىسىندا ۇكىمەتكە قازاقستاندا, ونىڭ ىشىندە اۋىلدار مەن وبلىس ورتالىقتارىنىڭ تۇرعىندارى ءۇشىن جاڭا قولجەتىمدى يپوتەكانى ازىرلەۋدى تاپسىرعان بولاتىن.
18 ناۋرىز كۇنى ۇكىمەت باسشىسى ولجاس بەكتەنوۆ جاڭا يپوتەكالىق باعدارلاماعا 300 ميلليارد تەڭگە بولىنەتىنىن حابارلادى. جاڭا باعدارلاما اياسىندا العاشقى جىلى 12 مىڭ وتباسى نەسيە الا الادى. يپوتەكا مەرزىمى ءالى بەلگىسىز.
يپوتەكا راسىمدەۋگە:
- جۇمىس ىستەيتىن جاستار;
- جاس وتباسىلار;
- تۇرعىن ءۇي تولەمدەرىن الۋشىلار;
- «وتباسى بانكىنىڭ» سالىمشىلارى;
- مونوقالا, وبلىس ورتالىقتارىنىڭ, سونداي-اق اۋىلدىق ەلدى مەكەن تۇرعىندارى ءوتىنىش بەرە الادى.
