جيىندا ءسوز العان ۇلىبريتانيانىڭ قازاقستانداعى ەلشىسى كەتي ليچ جوعارى ءبىلىم بەرۋدى ينتەرناتسيونالداندىرۋدىڭ ماڭىزىن اتاپ ءوتتى.
«جۇيەنىڭ ءۇش نەگىزگى وزگەرىسىنە نازار اۋدارۋ ماڭىزدى: رەتتەۋ, ساپا جانە اعىلشىن ءتىلىن ءبىلۋ. ەڭ الدىمەن, قازاقستانداعى ترانسۇلتتىق ءبىلىم بەرۋدى رەتتەۋدى حالىقارالىق ستاندارتتارعا سايكەس كەلتىرۋ وتە ماڭىزدى. بۇل تىركەۋدىڭ جانە جۇمىس ىستەۋدىڭ تەرمينولوگياسى مەن ۇدەرىستەرىن انىقتاۋعا كومەكتەسەدى, ولاردى جەرگىلىكتى نارىققا كىرگىسى كەلەتىن كەز كەلگەن ۋنيۆەرسيتەت ءۇشىن اشىق ەتەدى. بۇل ماسەلەلەرمەن عىلىم جانە جوعارى ءبىلىم مينيسترلىگىنىڭ جانىنان بريتاندىق كەڭەسپەن, ۇلىبريتانيانىڭ Cاپانى قامتاماسىز ەتۋ اگەنتتىگىمەن (QAA), بيزنەس جانە ساۋدا مينيسترلىگىمەن (Department Business and Trade) جانە قولدانىستاعى حالىقارالىق سەرىكتەستىكتەر مەن جوعارى ءبىلىم بەرۋ سەكتورىنىڭ باسقا دا ساراپشىلارىمەن بىرلەسىپ قۇرىلعان جۇمىس توبى اينالىسادى», دەدى ك.ليچ.
ال جوعارى جانە جوعارى وقۋ ورنىنان كەيىنگى ءبىلىم كوميتەتىنىڭ توراعاسى گۇلزات كوبەنوۆا قازاقستان مەن ۇلىبريتانيا اراسىنداعى ءوزارا ارىپتەستىككە توقتالدى. ونىڭ ايتۋىنشا, بۇگىندە قازاقستان مەن ۇلىبريتانيا ۋنيۆەرسيتەتتەرى اراسىندا 59 كەلىسىمشارت جاسالدى. ۇلىبريتانيا ۋنيۆەرسيتەتتەرىمەن بىرلەسكەن عىلىمي جوبالاردىڭ جالپى سانى 9-دى قۇرادى. قازاقستان مەن ۇلىبريتانيا اراسىنداعى پروفەسسورلىق-وقىتۋشىلار قۇرامى مەن ستۋدەنتتەردىڭ اكادەميالىق الماسۋى بەلسەندى تۇردە جۇزەگە اسىرىلىپ جاتىر.
«ينتەرناتسيونالداندىرۋ – قازىرگى تاڭدا جوعارى ءبىلىم بەرۋدىڭ ەڭ وزەكتى باعىتى جانە بۇل تەك ستۋدەنتتەردىڭ ۇتقىرلىعىمەن عانا شەكتەلمەيدى. ينتەرناتسيونالداندىرۋ ءبىلىم بەرۋ باعدارلامالارىن ينتەرناتسيونالداندىرۋ, ءبىلىم بەرۋ ستاندارتتارىن ينتەگراتسيالاۋ جانە ستراتەگيالىق ءبىلىم بەرۋ سەرىكتەستىكتەرىن قۇرۋ ارقىلى الەمدەگى ۋنيۆەرسيتەتتەردىڭ باسەكەگە قابىلەتتىلىگىن ارتتىراتىن ترانسۇلتتىق ءبىلىم بەرۋدى قامتيدى. بريتاندىق ۋنيۆەرسيتەتتەرمەن سەرىكتەستىك تۋرالى ايتاتىن بولساق, ەكى ەل اراسىندا وسى باعىتتا ءوزارا قىزىعۋشىلىقتىڭ ارتىپ كەلە جاتقانىن اتاپ وتكەن ءجون», دەدى گ.كوبەنوۆا.
عىلىم جانە جوعارى ءبىلىم مينيسترلىگىنىڭ اقپاراتىنا سۇيەنسەك, ءىس-شارا ۇلىبريتانيا مەن قازاقستان ۋنيۆەرسيتەتتەرىنە ترانسۇلتتىق ءبىلىم بەرۋ سالاسىندا حالىقارالىق ارىپتەستىك ورناتۋدا ماڭىزدى اقپارات الماسۋعا مۇمكىندىك بەردى. قاتىسۋشىلار ترانسۇلتتىق ءبىلىم بەرۋ سەرىكتەستىگىنىڭ تابىستىلىعىن جانە ساپالى ترانسۇلتتىق ءبىلىم بەرۋ سەرىكتەستىگىن قۇرۋ جانە قولداۋ كەزىندە قانداي نەگىزگى تۇيتكىلدەرگە تاپ بولعانىن انىقتاۋ بويىنشا تاجىريبەسىن ءبولىستى. جيىندا سپيكەرلەر حالىقارالىق ارىپتەستىكتى دامىتۋ جانە ترانسۇلتتىق ءبىلىم بەرۋدە ساپانى قامتاماسىز ەتۋ تەتىكتەرىن جەتىلدىرۋ ستراتەگيالارى تۋرالى باياندادى. بريتاندىق كەڭەستىڭ creative Spark جانە InterLinks گرانتتىق باعدارلامالارى بەس جىل ىشىندە 1,2 ميلليون فۋنت ستەرلينگتەن كوپ ينۆەستيتسيا جاساپ, ۇلىبريتانيا مەن قازاقستان اراسىندا 20-دان اسا سەرىكتەستىك قۇرىلۋىن قولدادى. جاقىندا جۇرگىزىلگەن ەكى باعدارلامانىڭ ناتيجەلەرىن باعالاۋ قورىتىندىسى قازاقستاندىق ۋنيۆەرسيتەتتەر ءۇشىن عانا ەمەس, ۇلىبريتانيا ءۇشىن دە ماڭىزدىلىعىن كورسەتتى. بريتاندىق كەڭەس ساپانى قامتاماسىز ەتۋ اگەنتتىگىمەن (QAA) جانە ۇلىبريتانيانىڭ بيزنەس جانە ساۋدا مينيسترلىگىمەن (DBT) بىرلەسىپ ترانسۇلتتىق ءبىلىم بەرۋ جانە ساپانى قامتاماسىز ەتۋ بويىنشا جۇمىس توبى قۇرىلدى.
