بۇل تۋرالى مۇراتانۋشى ادىلەت احمەت ۇلى مالىمدەدى. بۇعان دەيىن زەرتتەۋشىلەر بۇل ەڭبەكتىڭ تولىق ەمەس نۇسقاسىن وقىپ كەلگەن ەدى.
- احمەت بايتۇرسىن ۇلىنىڭ "ادەبيەت تانىتقىشىنىڭ" سوڭعى بەتتەرى تابىلدى. جادىگەر مۇرانىڭ سوڭعى بەتتەرى جىرتىلماعان نۇسقاسى قازاقستان رەسپۋبليكاسى ۇلتتىق كىتاپحاناسىنىڭ سيرەك كىتاپتار مەن قولجازبالار قورىندا بولىپ شىقتى. بۇعان دەيىن الاشتانۋشى عالىمدار, ولاردىڭ ءىزىن باسقان جاستار سان رەت شيىرلاعان قازىنالى قوردان ارنايى ىزدەگەندە تابىلماي, كەزدەيسوق ۇشىراسىپ قالعانىنا ءوزىمىز دە تاڭبىز, – دەپ جازدى عالىم.
ونىڭ سوزىنشە, جوعالعان پاراقتار سانى ەكەۋمەن شەكتەلەدى. احمەت بايتۇرسىن ۇلى وسى ەكى پاراقتا "ايتىس-تارتىسقا" جاتاتىن بەس اتاۋدى قىسقاشا عانا تانىستىرعان.
بۇگىندە بۇل نۇسقا قازاقستاننىڭ ۇلتتىق ەلەكتروندى كىتاپحانا سايتىنا جۇكتەلگەن.
