فوتو: pixabay.com
قالالىق پروكۋراتۋرا زاڭ بۇزۋشىلىق بەلگىلەرى بايقالعان 10 ميلليارد تەڭگەدەن استام سومانى قۇرايتىن كونكۋرستاردى توقتاتقان.
«تاپسىرىس بەرۋشىلەردىڭ ءبىرى كونكۋرس جاريالاۋ كەزىندە تاۋار, جۇمىس جانە قىزمەتتى تۇرلەرى مەن ولاردى جەتكىزۋ ورنى بويىنشا تەڭ بولمەگەن, وسىلايشا ءىرى كاسىپكەرلەرگە ارتىقشىلىق بەرىپ, شاعىن جانە ورتا كاسىپكەرلىكتىڭ الەۋەتتى وكىلدەرىن كونكۋرستان شەكتەگەن», دەلىنگەن حابارلامادا.
مەملەكەتتىك ساتىپ الۋ بارىسىندا الماتى قالاسىنداعى اۋداننىڭ بۇرىنعى اكىمى دە زاڭ تالاپتارىن ەسكەرمەگەنى انىقتالدى.
«مىسالى, مەملەكەتتىك ساتىپ الۋعا قاتىسۋشىلاردا ليتسەنزيانىڭ بولۋىنا قاراماستان, تاپسىرىس بەرۋشى ولاردىڭ كونكۋرستىق وتىنىمدەرىن نەگىزسىز كەرى قايتارعان. وتىنىشتەر ءتارتىپ بويىنشا قارالعاندا 100 ميلليون تەڭگەدەن استام بيۋدجەت قاراجاتىن ۇنەمدەۋگە بولاتىن ەدى. انىقتالعان قۇقىق بۇزۋشىلىقتار نەگىزىندە تۇلعاعا 9.2 ميلليون تەڭگە اكىمشىلىك ايىپپۇل سالىنىپ, جاۋاپكەرشىلىككە تارتىلدى», دەپ حابارلادى قالا پروكۋراتۋراسىنىڭ ءباسپاسوز قىزمەتى.
