فوتو: Tengrinews.kz / تۇرار قازانعاپوۆ
تەرگەۋ ناتيجەسىنە سايكەس, ا.مۇحامەدي ۇلىنا اسا ءىرى كولەمدە پارا الۋ بويىنشا (قك 24-بابىنىڭ 3-بولىگى – 367-بابىنىڭ 4-بولىگى), ن.ىسقاقوۆاعا پارا الۋدا دەلدالدىق جاساۋى بويىنشا (قك 368-بابىنىڭ 1-بولىگى), م.تولەەۆكە اسا ءىرى كولەمدە الاياقتىق جاساعانى ءۇشىن (190-باپ, 4-ءبولىم, 2-تارماق) ايىپ تاعىلىپ وتىر.
ايىپتاۋ قورىتىندىسىندا مۇحامەدي ۇلىنىڭ 2022 جىلدىڭ جەلتوقسان ايىندا استاناداعى تەرگەۋ يزولياتورىندا قاماۋدان بوساتىلىپ, «ديپلومات» قوناق ءۇيىنىڭ مەنشىگىندە قالعىسى كەلىپ, ادۆوكات مۇستاحيم تولەەۆ ارقىلى شەنەۋنىكتەرگە اسا ءىرى كولەمدە پارا بەرۋگە شەشىم قابىلداعانى ايتىلعان.
كەلەسى كەزەكتە ەكس-ءمينيستردىڭ ايەلى ناليا ىسقاقوۆا كافەدە تولەەۆكە 140 مىڭ دوللاردى ءوزى تاپسىرعان. 2023 جىلدىڭ قاڭتارىندا ىسقاقوۆا بۇلتارتپاۋ شاراسىن وزگەرتكەنى ءۇشىن تولەەۆكە تاعى 120 مىڭ دوللاردى ءوزى تاپسىرعان. ءساۋىر ايىندا ىسقاقوۆا جۇرگىزۋشى ارقىلى تولەەۆكە جازاسىن جەڭىلدەتكەنى ءۇشىن تاعى 100 مىڭ دوللار اۋدارعان.
«2023 جىلدىڭ ماۋسىم ايىندا ول ۇلى ارقىلى ادۆوكاتقا 27 ميلليون تەڭگە جانە 40 مىڭ دوللار كولەمىندە اقشا اۋدارعان. مۇستاحيم تولەەۆ بۇل قاراجاتتى يەمدەنىپ, ءوز قالاۋى بويىنشا يەلىكتەن شىعارعان», دەپ حابارلادى سوتتىڭ ءباسپاسوز قىزمەتى.
سوتتا پروكۋرور ايىپتاۋدى قولداپ, ارىستانبەك مۇحامەدي ۇلىن 12 جىلعا باس بوستاندىعىنان ايىرۋدى سۇرادى. ال مۇستاحيم تولەەۆكە 6 جىل 8 ايعا, ناليا ىسقاقوۆاعا 1 جىل 6 ايعا باس بوستاندىعىنان ايىرۋدى سۇرادى.
سوتتىڭ شەشىمىمەن بۇرىنعى مينيستر ارىستانبەك مۇحامەدي ۇلى اسا ءىرى مولشەردە پارا الۋعا وقتالۋ جانە وسى باپتىڭ 3 جانە 6-بولىكتەرى نەگىزىندە كىنالى دەپ تانىلدى. استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ 2023 جىلعى 20 ماۋسىمداعى ۇكىمى بويىنشا تاعايىندالعان ونشا اۋىر ەمەس جازانى ءسىڭىرۋ جولىمەن جاسالعان قىلمىستىق قۇقىق بۇزۋشىلىقتاردىڭ جيىنتىعى ءۇشىن قىلمىستىق كودەكستىڭ 58-بابىنىڭ 1-بولىگى بويىنشا قىلمىستىق ءىس قوزعالىپ, ودان دا قاتاڭىراق جازا تاعايىندالىپ, اقىرى 11 جىلعا باس بوستاندىعىنان ايىرىلدى. سونىمەن قاتار مەملەكەتتىك مەكەمەدە قىزمەت ەتۋگە ءومىر بويىنا تىيىم سالىندى.
ناليا ىسقاقوۆا قك 368-بابىنىڭ 1-بولىگى پارا الۋ بويىنشا كىنالى دەپ تانىلدى. ول 1 جىل 6 ايعا باس بوستاندىعىنان ايىرىلىپ, ءومىر بويىنا مەملەكەتتىك قىزمەتتە لاۋازىمداردى اتقارۋعا تىيىم سالىندى.
مۇستاحيم تولەەۆ الاياقتىق جاساعانى ءۇشىن كىنالى دەپ تانىلدى. قازاقستان رەسپۋبليكاسى قىلمىستىق كودەكسىنىڭ 190-باپتىڭ 4-بولىگى بويىنشا 10 جىل مەرزىمگە ادۆوكاتتىق قىزمەتپەن اينالىسۋ قۇقىعىنان ايىرا وتىرىپ, 6 جىل 8 ايعا باس بوستاندىعىنان ايىرۋ جازاسى تاعايىندالدى.
