فوتو: baq.kz
ال ەكى بەيىندىك ءپان ءتورت نۇسقانىڭ ىشىنەن ءبىر دۇرىس جاۋاپتى 25 تاپسىرمادان, كونتەكست نەگىزىندە جاسالعان ءتورت نۇسقانىڭ ىشىنەن ءبىر دۇرىس جاۋاپتى 5 تاپسىرمادان, سايكەستىكتى انىقتاۋعا ارنالعان 5 تاپسىرمادان جانە التى نۇسقانىڭ ىشىنەن ءبىر نەمەسە بىرنەشە دۇرىس جاۋابى بار ء(ۇش دۇرىس جاۋاپتان كوپ ەمەس) 5 تەست تاپسىرماسىنان قۇرالعان.
«تالاپكەرلەردە ءبىر نەمەسە بىرنەشە دۇرىس جاۋاپتارى بار تاپسىرمالار مەن سايكەستىكتى انىقتاۋعا ارنالعان تاپسىرمالار بويىنشا سۇراقتار تۋىندايدى. ولار قالاي باعالانادى؟ تولىعىراق جاۋاپ بەرسەم. ءبىر دۇرىس جاۋابى بار تەست تاپسىرمالارىندا: دۇرىس جاۋاپتى تاڭداعاندا ەكى بالمەن; ءبىر دۇرىس جاۋاپتى جانە ءبىر دۇرىس ەمەس جاۋاپتى تاڭداعاندا ءبىر بالمەن; ەكى جانە ودان دا كوپ دۇرىس ەمەس جاۋاپتى تاڭداعاندا ءنول بالمەن باعالانادى. ەكى دۇرىس جاۋابى بار تەست تاپسىرمالارىندا: ەكى دۇرىس جاۋاپتى تاڭداعاندا ەكى بالمەن; ءبىر دۇرىس جاۋاپتى تاڭداعاندا ءبىر بالمەن; ءبىر دۇرىس جاۋاپتى جانە ءبىر دۇرىس ەمەس جاۋاپتى تاڭداعاندا ءبىر بالمەن; ەكى دۇرىس جاۋاپتى جانە ءبىر دۇرىس ەمەس جاۋاپتى تاڭداعاندا ءبىر بالمەن; ەكى جانە ودان دا كوپ دۇرىس ەمەس جاۋاپتى تاڭداعاندا ءنول بالمەن باعالانادى. ءۇش دۇرىس جاۋابى بار تەست تاپسىرمالارىندا: ءۇش دۇرىس جاۋاپتى تاڭداعاندا ەكى بالمەن; ەكى دۇرىس جاۋاپتى تاڭداعاندا ءبىر بالمەن; ەكى دۇرىس جاۋاپتى جانە ءبىر دۇرىس ەمەس جاۋاپتى تاڭداعاندا ءبىر بالمەن; ءۇش دۇرىس جاۋاپتى جانە ءبىر دۇرىس ەمەس جاۋاپتى تاڭداعاندا ءبىر بالمەن; تەك ءبىر دۇرىس جاۋاپتى نە ەكى جانە ودان دا كوپ دۇرىس ەمەس جاۋاپتى تاڭداعاندا ءنول بالمەن باعالانادى.
سايكەستىكتى انىقتاۋعا ارنالعان تاپسىرمالاردا ءبىر نەمەسە بىرنەشە دۇرىس جاۋابى بار تاپسىرمالاردى باعالاۋعا ۇقساس باعالاۋ الگوريتمى قولدانىلادى, ءبىر ماڭىزدى شارتى - بۇل تاپسىرمالاردا ارقاشان ەكى دۇرىس جاۋابى بولادى», دەدى قر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ.
2023 جىلى مينيسترلىك تەست تاپسىرمالارىندا ديستراكتورلار سانىن (جاۋاپ نۇسقالارى) قىسقارتۋ تۋرالى شەشىم قابىلدادى. ءبىر دۇرىس جاۋابى بار تەست تاپسىرمالارىندا نۇسقالار سانى 5-تەن 4-كە دەيىن, ءبىر نەمەسە بىرنەشە دۇرىس جاۋابى بار تەست تاپسىرمالارىندا ء(ۇش دۇرىس جاۋاپتان كوپ ەمەس) نۇسقالار سانى 8-دەن 6-عا دەيىن ازايدى.
