Smart Campus ستۋدەنتتەرگە اقپاراتتىق تەحنولوگيالار ورتاسىنا ساي جاعداي جاساۋعا باعىتتالىپ وتىر. بۇل جاڭا جۇيە قۇرىلعىلاردىڭ جۇمىس ىستەۋ ءپرينتسيپىن جانە ولارعا قىزمەت كورسەتۋدى زەردەلەۋگە مۇمكىندىك بەرەدى. الداعى ۋاقىتتا جۇمىسقا ورنالاسۋدا كوللەدج ستۋدەنتتەرى قالا (Smart City), وبلىس (Smart Region), ەل (Smart Country) اۋماعىندا «Smart Campus»-تىڭ بارلىق فۋنكتسيالارىن ىسكە قوسۋ جوسپاردا بار.
كوللەدجدى جاڭعىرتۋ - IT تەحنولوگيالار, جاساندى ينتەللەكت, ميكروەلەكترونيكا جانە تەلەكوممۋنيكاتسيا سالاسىنداعى ەڭ وزىق زاماناۋي ءبىلىم مەن داعدىلاردى نەگىزگە الا وتىرىپ, جاڭا فورماتسياداعى مامانداردى دايارلاۋ ماقساتىن كوزدەيدى. وزىق تەحنولوگيالار قاراستىرىلعان زاماناۋي جوبا كاسىبي ءبىلىم بەرۋدىڭ الەمدىك ۇردىستەرىن ەسكەرەدى.
«Smart campus» جۇيەسى بويىنشا «جاسىل تەحنولوگيالاردى» ەنگىزۋ, ەلەكتر ەنەرگياسىنىڭ جاڭارتىلاتىن كوزدەرى ءىت كوللەدجدىڭ جوعارى بولىگىندە ورنالاستىرىلادى. بۇل ەلەكتر ستانتسياسى «جاڭارتىلاتىن ەنەرگيا كوزدەرى وپەراتورى» جاڭا ماماندىق اشۋعا, سول سالانى يگەرەتىن جاس بۋىن وكىلدەرىن دايارلاۋعا مۇمكىندىك بەرەدى.
اتالعان جۇيەنى مەردىگەرلىك كومپانيا ورناتادى, ال پايدالانۋ بارىسىندا وسى ەلەكتر ستانتسياسىنا كوللەدج وقىتۋشىلارى مەن ستۋدەنتتەرى وزدەرى قىزمەت كورسەتەدى. وندىرىلگەن ەلەكتر ەنەرگياسىنىڭ ارتىق مولشەرى قولدانىستاعى تاريف بويىنشا تولەممەن قالالىق ەلەكتر جەلىسىنە بەرىلەدى.
قازىرگى ۋاقىتتا عيماراتتاعى تەرەزەلەردى جوندەۋ, ەلەكتر قۋاتى جانە جىلۋ جۇيەلەرىن جاڭارتۋ جۇمىستارى جۇرگىزىلىپ جاتىر. سونىمەن قاتار, جوسپارعا سايكەس عيماراتتىڭ شاتىرى مەن قاسبەتىن جوندەۋ, وقۋ عيماراتىنىڭ ىشكى جوندەۋ جۇمىستارى, «اقىلدى جىلىتۋ مەن جارىقتاندىرۋدى» ەنگىزۋ, سونداي-اق كەڭىستىكتى جوبالاۋ قاراستىرىلعان.
