جوبا عىلىم جانە جوعارى ءبىلىم مينيسترلىگى عىلىم قورىنىڭ قارجىلاي قولداۋىمەن جۇزەگە اسىپ وتىر. مۇندا ماشينا جاساۋ جانە تەحنيكالىق قۇرال جاساۋ قاجەتتىلىكتەرى, سونداي-اق كادەسىيلار مەن زەرگەرلىك بۇيىمدار وڭدەلىپ, ارنايى گالۆانيكالىق قاپتامالار شىعارىلاتىن بولادى.
ورتالىقتىڭ اشىلۋ راسىمىنە قاتىسقان عىلىم جانە جوعارى ءبىلىم ۆيتسە-ءمينيسترى دارحان احمەد-زاكي عالىمداردىڭ جۇمىسىنا ساتتىلىك تىلەپ, وتاندىق عىلىمدى دامىتۋدا زاماناۋي وندىرىستەردى دامىتۋدىڭ ماڭىزدى ەكەنىن جەتكىزدى.
ءال-فارابي اتىنداعى قازۇۋ-دىڭ باسقارما توراعاسى-رەكتور جانسەيىت تۇيمەباەۆتىڭ ايتۋىنشا, گالۆانيكالىق قاپتامالار ءونىمنىڭ قىزمەت ەتۋ مەرزىمىن ۇزارتادى. ياعني, بۇل وندىرۋشىگە دە, تۇتىنۋشىعا دا ءتيىمدى ءارى تات باسۋدان قورعاۋدىڭ جاڭا ءادىسى بولىپ تابىلادى. جاڭا ورتالىقتا وندىرىس تەحنولوگى جانە وپەراتورى ماماندارى دايارلاناتىن بولادى.
ءوندىرىستىڭ ماتەريالدىق-تەحنيكالىق بازامەن تانىستىرۋ بارىسىندا جوبا جەتەكشىسى, Chemical Coating innovations عىلىمي-وندىرىستىك ورتالىعىنىڭ جەتەكشىسى الينا گاليەۆا «بۇگىندە ەلىمىزدە ەلەكتروحيميالىق قاپتامالاردى جاساۋ قارقىندى دامىپ كەلەدى دەپ ايتا المايمىز. مۇنداي عىلىمي-وندىرىستىك ورتالىقتار ءىس جۇزىندە جوق. ەلەكتروحيميالىق قاپتامالاردىڭ ساپاسى جوعارى ءارى جانە تاجىريبەدەگى قولدانىسى وتە ءتيىمدى. قازىرگى ۋاقىتتا ءبىزدىڭ ورتالىقتا مىرىشتاۋ, نيكەلمەن قاپتاۋ جانە مىس وڭدەۋ جەلىلەرى ورنالاسقان قويما بار. ءوندىرىس جىلىنا ون مىڭداعان شارشى مەتر قاپتامالار الۋعا مۇمكىندىك بەرەدى» دەپ اتاپ ءوتتى. الداعى ۋاقىتتا جوسپارعا سايكەس وسى ورتالىقتا ءارتۇرلى اگرەسسيۆتى ورتادان قورعايتىن قاپتامالار جانە قولدانۋ تەحنولوگيالارىن ازىرلەۋ جۇمىستارى ىسكە اساتىن بولادى. جوبا ونەركاسىپ سەكتورىنىڭ ناقتى سۇرانىسى نەگىزىندە جۇزەگە اسىپ وتىر.
