عالىمجان جۋسانباەۆ مۇناي وڭدەۋ جانە مۇناي-حيميا سالاسىندا باسشىلىق قىزمەتتەر اتقارعان. ءار جىلدارى ماسكەۋدەگى ن.سەمەنوۆ اتىنداعى حيميالىق فيزيكا ينستيتۋتىندا, ەلىمىزدىڭ قارجى مينيسترلىگىندە, قازاقستان رەسپۋبليكاسىنىڭ يرانداعى ەلشىلىگىندە كەڭەسشى-ەلشى (ەكونوميكا باعىتى, مۇناي وڭدەۋ جانە مۇناي-حيميا سالالارى بويىنشا) بولىپ جۇمىس ىستەدى.
شىمكەنت, اتىراۋ جانە اقتاۋ قالالارىندا مۇناي مەن مۇناي ونىمدەرىن ساقتاۋ جانە وڭدەۋمەن اينالىساتىن بىرقاتار كومپانيانى باسقاردى. قازاقستانداعى مۇناي-حيميا ءوندىرىسىن دامىتۋعا قوسقان ۇلەسى ءۇشىن ەنەرگەتيكا مينيسترلىگىنىڭ قۇرمەت گراموتاسىمەن ماراپاتتالعان.
«سوڭعى كەزدەرى اتىراۋ مۇناي وڭدەۋ زاۋىتىندا «قازمۇنايگاز» ۇك اق-مەن تىعىز ىنتىماقتاستىعىنىڭ ناتيجەسىندە وڭ وزگەرىستەرگە قول جەتكىزىلدى. اتاپ ايتقاندا, مۇناي وڭدەۋ جانە موتور وتىنىن شىعارۋ كولەمى ارتتى. ك-5 كلاسىنداعى اي-92 بەنزينىن (ەۆرو-5 ستاندارتىنىڭ انالوگى) ءوندىرۋ جولعا قويىلدى. اۆياكەروسين ءوندىرۋ كولەمى ۇلعايىپ, كاتاليتيكالىق كرەكينگ قوندىرعىسى 300 ت/ساع جوبالىق قۋاتىنا شىعارىلدى. ەلەكتر ەنەرگياسىن تەحنيكالىق ەسەپكە الۋدىڭ اۆتوماتتاندىرىلعان جۇيەسى ەنگىزىلدى. شىعىنداردى ازايتۋ جانە كاسىپورىننىڭ ەكولوگيالىعىن ارتتىرۋ ماقساتىندا رەزەرۆۋارلارعا 6 پونتون ورناتىلدى», دەپ حابارلادى زاۋىتتىڭ ءباسپاسوز قىزمەتى.
كاسىپورىننىڭ وپەراتسيالىق تيىمدىلىگىن ارتتىرۋ ءۇشىن قاجەتتى شارالار ىسكە اسىرىلىپ جاتىر. زاۋىتتى ەلەكترمەن جابدىقتاۋدىڭ سەنىمدىلىگىن قامتاماسىز ەتۋ ءۇشىن گازتۋربينالىق ەلەكتر ستانتسياسىن سالۋ جوباسى قولعا الىندى. Tazalyq ەكولوگيالىق جوباسىنىڭ ەكى كەزەڭى جانە بۋلانۋ الاڭدارىنىڭ ەكى سەكتورىن رەكۋلتيۆاتسيالاۋ جۇمىستارى اياقتالدى.
