رەداكتسيا جازعانداي:
«الماتى ەكى ميلليون حالقى بار قازاقستاننىڭ ەڭ ءىرى قالاسى بولا تۇرا, بەيبىت, بىراق بەلسەندى شاھار اسەرىن قالدىرادى. الماتىنىڭ مادەني ورتالىق رەتىندەگى مارتەبەسى ونىڭ گاسترونوميالىق ومىرىندە ايقىن كورىنەدى. ۇن, سۋ جانە ەتكە نەگىزدەلگەن «نەو-نومادتار» اسحاناسى گيپەر-زاماناۋي ستيلدە ۇسىنىلعان; ونى AUYL نەمەسە TÖR رەستوراندارىندا كورە الاسىز. Lanzhou Noodle مەيرامحاناسى قىتاي تاعامدارىن, ال Sensilyo Coffee نەمەسە JumpinGoat كافەلەرى - كەرەمەت كوفە ۇسىنادى. كوك بازارداعى جەمىستەر مەن جاڭعاقتاردى تاماشالاڭىز, سودان كەيىن جاقىندا كەڭەستىك ءداۋىرى عيماراتىندا اشىلعان ۇلكەن ازىق-ت ۇلىك بازارىندا PlatformA-عا بارىڭىز», دەلىنگەن The New York Times باسىلىمىندا.
وسىعان بايلانىستى تۋريزم جانە سپورت ۆيتسە-ءمينيسترى ەرجان ەركىنباەۆ مۇنداي ماڭىزدى الەمدىك تىزىمگە قازاقستان قالاسىنىڭ ەنۋى ەلدەگى ءتۋريزمنىڭ تۇلەپ كەلە جاتقانىن بىلدىرەتىنىن العا تارتتى.
«قازاقستان سوڭعى جىلدارى الەمدىك باق رەيتينگىنە ءجيى ىلىگىپ كەلەدى جانە New York Times تىزىمىنە ەنۋ تۋريستەردىڭ ءبىزدىڭ ەلىمىزگە دەگەن قىزىعۋشىلىعىنىڭ ارتىپ كەلە جاتقانىن انىق بىلدىرەدى», دەدى تۋريزم جانە سپورت ۆيتسە-ءمينيسترى ەرجان ەركىنباەۆ.
ايتا كەتەيىك, بۇعان دەيىن قازاقستان ەكسپو-2017 كورمەسى قارساڭىندا وسى تىزىمگە ەنگەن بولاتىن.
