فوتو: bassport.kz
بيىلعى جىلى ەلىمىزدىڭ سپورتشىلارى ءتورت جىلدا ءبىر مارتە وتەتىن جازعى ازيا ويىندارىنا قاتىستى. بىراق بوكسشىلارعا التىن مەدال بۇيىرعان جوق. كەي سالماق دارەجەسىندە تورەشىلەردىڭ بۇرا تارتىپ, سپورتشىلارىمىزدى قارسىلاسىنا جىعىپ بەرۋى قوعامدا قىزۋ تالقىلاندى.
«مۇنداي قىسىمنىڭ تالايىن وتكەردىك, ءالى دە كەزىگەدى. تەك بۇعان شىداعان, قاسقايىپ قارسى تۇرعاندار عانا دەگەنىنە جەتەدى. مىسالى سەرىك ساپيەۆ. 2006 جىلى قاتار ەلىنىڭ باس قالاسى دوحادا وتكەن جازعى ازيا ويىندارىندا سەرىك جەڭىلگەن جوق, تورەشىلەر قارسىلاسىنا كوپە-كورنەۋ جىعىپ بەردى. 2008 جىلى بەيجىڭ جازعى وليمپياداسىندا دا ساپيەۆتى تورەشىلەر ءسۇرىندىردى. ول ءوزىنىڭ مىنەزى مەن ولشەۋسىز ەڭبەگىنىڭ ارقاسىندا مىقتىلىعىن كۇللى الەمگە دالەلدەپ, 2012 جىلى لوندون جازعى وليمپياداسىندا چەمپيون اتاندى. سوندىقتان دا سىناققا سىنىپ كەتپەۋ كەرەك», دەدى ۇلتتىق قۇرامانىڭ باس باپكەرى.
م.ايتجانوۆ جەڭىلىستىڭ ءبارىن تورەشىلەرگە جابا بەرۋگە دە بولمايتىنىن, شىن مىقتىعا تۇساۋ جوق ەكەنىن ايقىنداۋ ءۇشىن ۇلتتىق قۇراما بوكسشىلارىن بارىنشا كۇش سالىپ باپتايتىنىن ايتتى.
