مينيستر سپورت سالاسىنىڭ مايتالماندارىن ماراپاتتادى

سالا ءمينيسترى ەرمەك مارجىقپاەۆ ەل سپورتى ءۇشىن بيىل ءساتتى جىل بولعانىنا جانە جەرلەستەرىمىزدىڭ جارقىن جەڭىستەرگە قول جەتكىزگەنىنە ەرەكشە توقتالىپ, ۇزدىك رەتىندە تانىلعانداردى قۇتتىقتادى.

«ۇلتتىق قۇراما سپورتشىلارى جىل باسىنان بەرى 1 400 حالىقارالىق جارىسقا قاتىسىپ, 864 مەدال جەڭىپ الدى. ونىڭ ىشىندە 291 التىن, 262 كۇمىس, 311 قولا. الەم چەمپيوناتتارىندا 68 التىن مەدال, ازيا جارىستارىندا 47 التىن جۇلدە, ازيا ويىندارىندا 10 التىن ولجالادى. مەملەكەت باسشىسى ەل تاۋەلسىزدىگى تاريحىندا العاش رەت ازيا ويىندارىنىڭ جۇلدەگەرلەرىن قابىلداپ, ماراپاتتاعانىن ەرەكشە اتاپ وتكىم كەلەدى», دەدى ەرمەك مارجىقپاەۆ.

جىل قورىتىندىسىندا 18 اتالىم بويىنشا «ۇزدىك» دەپ تانىلعاندار:

نۇركەن راحمانقۇل – «جىلدىڭ ۇزدىك اۋىل جاتتىقتىرۋشىسى»;

كەنجەعالي بەكقۇلوۆ – «اۋىلدىق جەردەگى ۇزدىك دەنە شىنىقتىرۋ جانە سپورت ادىسكەرى»;

راۋان قازەزوۆ – «اۋىلدىق جەردەگى ۇزدىك دەنە شىنىقتىرۋ جانە سپورت نۇسقاۋشىسى»;

بۇقار جىراۋ اۋدانىنىڭ دەنە شىنىقتىرۋ جانە سپورت ءبولىمى – «اۋداندىق ۇزدىك دەنە شىنىقتىرۋ جانە سپورت ءبولىمى»;

يسحار كۋرباەۆ – «جاس جانە جاسوسىپىرىمدەر قۇرامىنداعى سپورتشى»;

ۆيكتوريا ۆولكوۆا – «جىلدىڭ ۇزدىك بالالار جاتتىقتىرۋشىسى»;

ناتاليا سۋحاچەۆا – «دەنە شىنىقتىرۋ جانە سپورت سالاسىنداعى ۇزدىك مامان»;

بەرىك قونىسبەكوۆ – «ۇزدىك سپورت دارىگەرى»;

ءمولدىر جاڭبىرباي, ميلاد كاريمي, رۋسلان قۇربانوۆ –  «جىلدىڭ ۇزدىك ناتيجەلەرى»;

قازاقستاندىق سپورتتىق اتۋ فەدەراتسياسى – «جىلدىڭ ۇزدىك اككرەديتتەلگەن سپورت فەدەراتسياسى»;

تيمۋر تۋرلوۆ – «جىلدىڭ ۇزدىك اككرەديتتەلگەن سپورت فەدەراتسياسىنىڭ پرەزيدەنتى»;

ادىلەت بارمەنقۇلوۆ – «جىلدىڭ ۇزدىك سپورت مەنەدجەرى»;

مۇمكىندىگى شەكتەۋلى ادامدارعا ارنالعان ءۇمىت سپورت كلۋبى – «جىلدىڭ ۇزدىك سپورت ۇيىمى»;

الماتى قالاسى – «ۇزدىك سپورتتىق ءوڭىر»;

سەرگەي شابالين (رۋسلان قۇربانوۆتىڭ جاتتىقتىرۋشىسى) – «جىلدىڭ ۇزدىك جاتتىقتىرۋشىسى»;

ريزابەك ايتمۇحان – «سپورتتاعى ۇزدىك سەرپىن»;

ماحمۇد سابىرحان, ەربول حاميتوۆ – «جىلدىڭ ۇزدىك سپورتشىسى»;

سامات قاناعاتوۆ, جاندوس بۇسۇرمانوۆ, ەربول قايىروۆ – «ۇزدىك سپورت ءجۋرناليسى».