سۋرەتتەردى تۇسىرگەن يۋ. بەككەر
ءىس-شاراعا قازاقستان فۋتبولىنىڭ ارداگەر تۇلعاسى قۇرالبەك ورداباەۆ, وليمپيادا چەمپيونى ەرماحان يبرايموۆ, 1-ءشى جارتىلاي ورتا سالماقتاعى IBO بوكستان الەم چەمپيونى جانقوش تۇراروۆ, ينۆەستور كومپانيالار مەن جوو باسشىلىعى, وقىتۋشىلار, ستۋدەنتتەر قاتىستى.
ۋنيۆەرسيتەتتىڭ باسقارما توراعاسى-رەكتور, ۇعا ۆيتسە-پرەزيدەنتى اقىلبەك كۇرىشباەۆتىڭ ايتۋىنشا, قازىرگى ۋاقىتتا جەكە قولعا ءوتىپ كەتكەن ۋنيۆەرسيتەت اكتيۆتەرىن كەرى قايتارۋ جۇمىستارى جالعاسۋدا. مىسالى, №6 ستۋدەنتتىك جاتاقحانا بيىل تۇرعىن ءۇي قورىنا قايتارىلىپ, 280 ستۋدەنت باسپانالى بولدى. كەزىندە «شاھ» مەيرامحاناسى مەن وفيس رەتىندە جەكە كاسىپكەر پايدالانىپ كەلگەن №3 ستۋدەنتتىك جاتاقحانا دا كەرى قايتارىلىپ, تولىقتاي كۇردەلى جوندەۋدەن ءوتتى. بۇل ماقساتقا ۋنيۆەرسيتەتتىڭ بيۋدجەتىنەن 160 ملن تەڭگەگە جۋىق قاراجات ءبولىنىپ وتىر. مۇنداي اۋقىمدى جوندەۋ جۇمىستارى سوڭعى 20 جىلدا جۇرگىزىلمەگەن. «ريتم ستروي ەك» جشس قولداۋىمەن جاتاقحانانىڭ سىرتقى جاعى جانە ىشكى بولمەلەر, اس ۇيلەر مەن دالىزدەر, تازالىق ورىندارى جاڭاشا ديزاينمەن ورنەكتەلدى, قاجەتتى جيھازدار, مۇزداتقىشتار, كىر جۋعىش ماشينالارى مەن گاز پليتكالارى قويىلدى. ناتيجەسىندە زاماناۋي جابدىقتالعان 200 بولمەگە ستۋدەنتتەر, 100 بولمەگە ماگيسترانتتار مەن جاس عالىمدار ورنالاستى.
تاعى ءبىر جاعىمدى جاڭالىق – «قازاق-ستروي» جشس-مەن ىنتىماقتاستىق شارت نەگىزىندە 9 قاباتتى, 450 ورىندىق جاڭا ستۋدەنتتىك جاتاقحانانىڭ قۇرىلىسى باستالدى. وعان تارتىلعان ينۆەستيتسيا كولەمى 2,3 ملرد تەڭگەدەن اسادى. جاتاقحانا قاسىنان ستۋدەنتتەر ءۇشىن مەديتسينالىق ورتالىق تۇرعىزۋ دا جوسپاردا تۇر. ال جاڭارتىلعان ورتالىق ستاديونعا ىنتىماقتاستىق نەگىزدە «اtlant Systems» جشس تاراپىنان 130 ملن تەڭگە تارتىلىپ, جالپى قۇرىلىسىن «Korkeم» جك جۇرگىزگەن بولاتىن.
وسىنداي ناقتى ىستەردىڭ ناتيجەسىندە قازۇازۋ الماتى قالاسىندا ءوز ستۋدەنتتەرىن جاتاقحانامەن تولىق قامتاماسىز ەتكەن بىردەن-ءبىر ۋنيۆەرسيتەت اتانىپ وتىر. بۇگىندە ۋنيۆەرسيتەت قۇرامىنا 6 ءىرى عزي مەن ءبىر تاجىريبەلىك شارۋاشىلىق كىرەدى. قازۇازۋ الەمنىڭ جەتەكشى جوعارى وقۋ ورىندارىنىڭ تاجىريبەسىنە سايكەس, عىلىم – ءبىلىم – ءوندىرىس (ياعني, زەرتحانا – اۋديتوريا – تاجىريبەلىك شارۋاشىلىق) جۇيەسى ەنگىزىلىپ, تيىمدىلىگىن كورسەتىپ كەلەدى.
قازۇازۋ بازاسىندا «تاشكەنت يرريگاتسيا جانە اۋىل شارۋاشىلىعىن مەحانيكالاندىرۋ ينجەنەرلەرى ينستيتۋتى» ۇلتتىق زەرتتەۋ ۋنيۆەرسيتەتىنىڭ سۋ شارۋاشىلىعى ماماندارىن دايارلاۋ جونىندەگى فيليالى اشىلىپ, 7 شەتەل جوعارى وقۋ ورىندارىمەن ەكى ديپلوم الۋ باعدارلاماسى ەندى. مىسالى, ۆارشاۆا جاراتىلىستانۋ عىلىمدارى ۋنيۆەرسيتەتىمەن (پولشا) «IT-تەحنولوگيالاردى قولدانۋ ارقىلى سۋ رەسۋرستارىن باسقارۋ» ماگيستراتۋرا باعدارلاماسى بويىنشا سوڭعى ءۇش جىل قاتارىنان تۇلەكتەر شىعارىلدى. سونداي-اق قىتاي اۋىلشارۋاشىلىعى ۋنيۆەرسيتەتىمەن, ليتۆا دەنساۋلىق عىلىمدارى ۋنيۆەرسيتەتىمەن ەكى ديپلومدىق ماسەلەنى زاڭداستىرۋ ءىسى قولعا الىنىپ جاتىر.
الماتى
