توعىز قاباتتى ءۇش جاتاقحانانىڭ جالپى اۋدانى 49 703,94 شارشى مەتردى, ال عيماراتتى سالۋعا بولىنگەن اۋماق 1,24 گەكتاردى قۇرايدى. ستۋدەنتتەر ءۇيىنىڭ ءار قاباتىندا زاماناۋي وقۋ زالدارى, دەمالىس ورىندارى, اسحانا, كوفەحانا, سپورتزال, تۇرمىستىق بولمەلەر قاراستىرىلعان. 70 شارشى مەترلىك تولىققاندى جابدىقتالعان ءبىر بولمە 4 ادامعا ارنالعان.
ونىڭ ىشىندە ءۇش جاتاقحانادا ينكليۋزيۆتى ءبىلىم بەرۋ تالاپتارىن ورىنداۋ ماقساتىندا مۇمكىندىگى شەكتەۋلى ءبىلىم الۋشى جاستارعا ارنايى 132 توسەك-ورىن قاراستىرىلعان.
سالتاناتتى شاراعا ۋنيۆەرسيتەت باسشىلىعى, قازۇۋ ارداگەرلەرى, ينۆەستورلار, باق وكىلدەرى, وقۋ ورداسىنىڭ وقىتۋشى-پروفەسسورلار قۇرامى مەن ءبىلىم الۋشى جاستار قاتىستى.
جاڭادان بوي كوتەرەتىن جاتاقحانالار پرەزيدەنت تاپسىرماسىمەن, قر ۇكىمەتىنىڭ قولداۋىمەن جۇزەگە اسىپ وتىر. ء ساۋىر ايىندا ءىى كەزەڭنىڭ باستالۋىنا بايلانىستى ەستەلىك كاپسۋلا سالىنعان بولاتىن.
«قازۇۋ-دىڭ ءىى دامۋ جوسپارى بويىنشا قالاشىقتا جالپى 12 جاتاقحانا, 8 وقۋ كورپۋسى بوي كوتەرەدى. باستى ماقسات – ءبىلىم الۋشىلار ءۇشىن تۇرعىنجاي تاپشىلىعىن قىسقارتۋ.
جاڭا جىل قارساڭىندا 4 وقۋ كورپۋسى, قاڭتار ايىندا 35 000 شارشى مەتر ەمحانا قۇرىلىسى باستالادى. مەديتسينالىق ورتالىقتا پوليكلينيكا, مەديتسينا جانە دەنساۋلىق ساقتاۋ فاكۋلتەتى, ستوماتولوگيا جۇمىس ىستەيتىن بولادى. بۇعان قوسا, قىزمەتكەرلەرگە ارنالعان تۇرعىنجاي, يننوۆاتسيالىق ورتالىق, IT حاب, سپورتتىق-ساۋىقتىرۋ ورتالىعى ت.ب عيماراتتار سالىنادى.
قازۇۋ قالاشىعىنىڭ ءىى دامۋ جوسپارى الداعى ۋاقىتتا كەزەڭ-كەزەڭىمەن جۇزەگە اسىرىلماق. بۇل قۇرىلىس جۇمىستارى الداعى 3 جىلعا جوسپارلانىپ وتىر. الداعى كۇزدە قازۇۋ 90 جىلدىعىن سالتاناتتى تۇردە اتاپ وتەدى. بۇيىرتسا, وسى قۋانىشقا وراي العاشقى جاتاقحانا پايدالانۋعا بەرىلەدى», دەدى رەكتور ءوز سوزىندە.
قازىرگى تاڭدا ءال-فارابي اتىنداعى قازۇۋ-دا 15 جاتاقحانا بار. وندا وقۋ ورداسىنىڭ 6 مىڭعا جۋىق ستۋدەنتى ورنالاسقان.
الماتى
