ساباق توقتاتىلعانىن كىم حابارلايدى؟
الدىمەن قولايسىز اۋا رايىندا ساباقتى توقتاتۋ تۋرالى اقپاراتتى ءار ءوڭىردىڭ ءبىلىم باسقارماسىنا قاراستى مەملەكەتتىك ورگاندار حابارلاۋ كەرەك.
مۇداي مالىمەتتەر:
- تەلەارنالاردىڭ جۇگىرتپە جولىندا;
- راديو حابارلارىندا;
- 169 (اقىلى انىقتاما) نەمەسە 109 (ۇيالى تەلەفوننان تەگىن) نومەرىنەن تەلەفونى ارقىلى;
- اكىمدىكتىڭ رەسمي سايتتارىندا; استانا قالاسىندا ە_astana.kz ەلەكتروندى قىزمەت پورتالىندا;
- Bilim.astana.kz سايتىندا;
- Smart Astana قولدانبالى باعدارلاماسى مەن جان-جاقتى دەرەككوزدەر ارقىلى حابارلانىپ وتىرادى.
اتا-انا, وقۋشى, كوللەدج ستۋدەنتتەرى وسى اقپارات ارنالارىندا جاريالانعان دەرەك نەگىزىندە ارەكەت ەتۋ كەرەك.
كۇن سايىن, ءبىرىنشى اۋىسىم ءۇشىن ساعات 6.45-تەن 7.00-گە دەيىن, ەكىنشى جانە ءۇشىنشى اۋىسىمدار ءۇشىن ساعات 11:15-تەن 13:00-دەن كەشىكتىرىلمەي ساباقتىڭ كەستەگە ساي بولاتىنى نە قاشىقتان وقىتىلاتىنى تۋرالى مالىمەت جاريالانۋى كەرەك.
قىستا اۋا تەمپەراتۋراسى قانشا گرادۋسقا جەتكەندە ساباق توقتاتىلادى؟
مەكتەپ پەن كوللەدجدە ساباقتار مىنا مەتەوجاعدايداعى كورسەتكىشتەر نەگىزىندە توقتاتىلادى:
|
اۋا تەمپەراتۋراسى |
جەلدىڭ جىلدامدىعى |
ساباقتاردى توقتاتۋ ءۇشىن |
|
-25-29 جانە ودان تومەن |
2-4 م/س |
0-4 سىنىپ |
|
-25-29 جانە ودان تومەن |
5 م/س جانە ودان جوعارى |
0-9 سىنىپ |
|
-30-34 جانە ودان تومەن |
2-4 م/س |
0-9 سىنىپ |
|
-30-34 جانە ودان تومەن |
5 م/س جانە ودان جوعارى |
0-11 (12) سىنىپتار كوللەدجدەردە 1,2 كۋرستار ءۇشىن |
|
-35 جانە ودان تومەن |
2 م/س جانە ودان جوعارى |
0-11 (12) سىنىپتار كوللەدجدەردە 1,2 كۋرستار ءۇشىن |
ال ينتەرناتتىق ءبىلىم بەرۋ ۇيىمدارىندا اۋا رايىنىڭ قولايسىز مەتەوجاعدايلارى كەزىندە ساباقتى توقتاتۋ تۋرالى شەشىم ءبىلىم الۋشىلاردىڭ تۇرعىلىقتى ورنىنداعى اۋا تەمپەراتۋراسى ەسكەرىلىپ قابىلدانادى.
ساباق توقتاتىلعان كۇنگى جوسپارلى تاقىرىپتار قايتا وتكىزىلە مە؟
ايازدى كۇندەر اپتاعا سوزىلىپ كەتسە ساباق جوسپارى بۇزىلارى ءسوزسىز. سوندىقتان ءبىلىم بەرۋ ۇيىمدارى ەگەر ساباق 5 كۇننەن ارتىق توقتاتىلسا, وندا وقۋ پاندەرىنىڭ مازمۇنىنىڭ ينتەگراتسيالانۋىن, رەزەرۆتىك ساعاتتار جانە قايتالاۋعا بولىنگەن ساعاتتاردى ەسكەرە وتىرىپ قۇرىلتايشىنىڭ كەلىسىمى بويىنشا ءبىلىم بەرۋ ۇيىمىنىڭ جىلدىق كۇنتىزبەلىك-تاقىرىپتىق جوسپارىنا تۇزەتۋلەر ەنگىزۋ قاجەت.
ەگەر بالا, ستۋدەنت ساباق توقتاتىلعان كۇنى ءبىلىم ورداسىنا بارسا كەرى قايتارىلا ما؟
جوق. ەگەر وقۋشى, ستۋدەنت ساباقتى قاشىقتان وقىتۋ بەلگىلەنسە دە مەكتەپ, كوللەدجگە كەلسە ساباقتى سول جەردە وقۋ كەرەك. باقىلاۋ جۇمىسى مەن جاڭا تاقىرىپتان بولەك قوسىمشا ساباق, ۇيىرمە تاعى باسقاسى جۇرگىزىلۋگە ءتيىس.
ال قاشىقتان وقىتىلعان كۇندەگى باعالاۋ وبەكتيۆتى بولۋ ءۇشىن ساباق كەستەسىنە سايكەس بارلىق جۋرنالداردىڭ تۇرلەرىندە كۇنى قويىلادى, ال «ساباقتىڭ تاقىرىبى» باعانىندا «اكتىلەنگەن كۇن» دەپ جازىلادى. ساباقتار توقتاتىلعان كۇنى ورىندالعان جۇمىس ءۇشىن ءبىلىم الۋشىعا باعا تۇزەتۋ ەنگىزىلگەن كۇنتىزبەلىك-تاقىرىپتىق جوسپارعا سايكەس كەلەسى وقۋ ساباقتارى كۇندەرىندە جۋرنالدىڭ باعانىنا قويىلادى.
اتا-انالار (زاڭدى وكىلدەر) بالاسى ساباق توقتاتىلعان كۇنى ءبىلىم بەرۋ ۇيىمىنا باراتىنى تۋرالى شەشىم قابىلداعان جاعدايدا ونىڭ ءبىلىم بەرۋ ۇيىمىنا كەلۋى جانە كەرى قاراي جولىنداعى قاۋىپسىزدىگىن قامتاماسىز ەتۋ جاۋاپكەرشىلىگى وزدەرىنە جۇكتەلەدى.
