ءبىز بۇعان دەيىن وتانداستارىمىزدىڭ يسپانيا (17:34), برازيليا (16:46) جانە ۋكراينادان (24:37) ويسىراي ۇتىلىپ, مىقتىلارمەن كۇش سىناسۋ مۇمكىندىگىنەن ايىرىلعانى جايىندا جازعانبىز. جارىستىڭ ەكىنشى كەزەڭىندەگى ەكى كەزدەسۋدە دە جەڭىلىستىڭ كەرمەك ءدامىن تاتتى. اۋەلى كونگوعا (36:37) ەسە جىبەرسە, ىلە-شالا چيليگە (23:27) جول بەردى. ايتەۋىر ءۇشىنشى ويىندا اسىعى الشىسىنان ءتۇسىپ, يراندى (33:29) جەڭدى. بۇگىن قازاقستاننىڭ قول دوبى شەبەرلەرى 29-ورىن ءۇشىن تالاسادى.
ەستەرىڭىزگە سالا كەتەيىك, 29 قاراشادا باستالعان بايراقتى باسەكەدە 32 كوماندا باق سىناپ جاتىر. بۇل باسەكەلەر دانيا, نورۆەگيا جانە شۆەتسيادا ءوتىپ جاتىر. ال جارىستىڭ جەڭىمپازدارى مەن جۇلدەگەرلەرى 17 جەلتوقساندا انىقتالادى.
