سوعان سايكەس دەپۋتاتتاردىڭ تالقىلاۋىنا ترانسفەرتتىك باعا بەلگىلەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ءبىرىنشى وقىلىمدا قاراۋ ۇسىنىلادى. زاڭ جوباسى ترانسفەرتتىك باعا بەلگىلەۋ سالاسىنداعى زاڭنامانى جەتىلدىرۋ, ءارى كاپيتالدىڭ ەلدەن شىعارىلۋىن باقىلاۋ شارالارىن كۇشەيتۋ ماقساتىمەن ازىرلەنگەن. بۇل حالىقارالىق ىسكەرلىك وپەراتسيالاردا جانە ولارمەن بايلانىستى مامىلەلەردە مەملەكەتتىك كىرىستىڭ ازايۋىن بولدىرماۋعا وڭ اسەر ەتەدى.
دەپۋتاتتار الداعى جالپى وتىرىستا 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا قىرعىز رەسپۋبليكاسىنىڭ قوسىلۋىنا بايلانىستى وزگەرىس ەنگىزۋ تۋرالى حاتتامانى راتيفيكاتسيالاۋ جوباسىن دا قارايدى.
سونىمەن قاتار ءماجىلىس كوميتەتتەرى بىرقاتار جاڭا زاڭ جوباسىن جۇمىسقا الادى. ولار «اكۆاوسىرۋ تۋرالى» زاڭ جوباسى, اقپاراتقا قول جەتكىزۋ جانە قوعامدىق قاتىسۋ ماسەلەلەرى بويىنشا تۇزەتۋلەر مەن بىرقاتار حالىقارالىق كەلىسىمدى راتيفيكاتسيالاۋ تۋرالى.
