«وتاندىق عىلىم مەن جوعارى ءبىلىم بەرۋ سالاسىندا تاعى دا جاعىمدى جاڭالىق ورىن الدى. ناقتى ايتسام, الماتىدا ەلىمىزدىڭ عىلىم جانە جوعارى ءبىلىم مينيسترلىگىنىڭ باستاماسىمەن ساتباەۆ ۋنيۆەرسيتەتى جانىنان گونكونگ CityU قالالىق ۋنيۆەرسيتەتىنىڭ فيليالىن اشۋ تۋرالى كەلىسىمگە قول قويدىق. بۇل QS رەيتينگى بويىنشا 70-ورىندا تۇرعان الەمدەگى ەڭ ۇزدىك ۋنيۆەرسيتەتتەردىڭ بىرىندە ەلىمىزدىڭ زەيىندى جاستارىنىڭ ءبىلىم الۋىنا زور مۇمكىندىك بولماق», دەپ جازدى مينيستر.
ۆەدومستۆو باسشىسىنىڭ مالىمدەۋىنشە, CityU ۋنيۆەرسيتەتىنىڭ بىرەگەي تاجىريبەسى مەن تاريحى قازىرگى جاھاندىق ەڭبەك نارىعىنىڭ تالاپتارىنا ساي بەيىمدەلگەن جوعارى ءبىلىمدى قىسقا مەرزىم ىشىندە دامىتۋدىڭ ءتيىمدى مودەلىن قالاي قالىپتاستىرۋعا, سونداي-اق عىلىم مەن يننوۆاتسيانى دامىتۋ ارقىلى قانداي تابىستارعا جەتۋگە بولاتىنىن كورسەتەدى.
«اكادەميالىق جەتىستىكتەرگە جەتۋ ءۇشىن قازاقستان الەمدىك ۇزدىك تاجىريبەنى قابىلداۋعا ارقاشان دايىن. ءبىز وسى ۋاقىتقا دەيىن 6 شەتەلدىك جوعارى وقۋ ورنىنىڭ فيليالىن اشتىق, بۇل ستاتيستيكانى ودان ءارى ءوسىرىپ, شەتەلدىك ارىپتەستەرىمىزدىڭ سانىن ارتتىرۋدى جوسپارلاپ وتىرمىز. مەملەكەت باسشىسى اتاپ وتكەندەي, ءبىز مۇناي-گاز سەكتورى, ەنەرگەتيكا, اۋىل شارۋاشىلىعى, كولىك جانە لوگيستيكا سياقتى ماڭىزدى سالالارعا جاساندى ينتەللەكت تەحنولوگيالارىن ەنگىزۋگە باسا نازار اۋدارۋىمىز كەرەك. CityU مەن ساتباەۆ ۋنيۆەرسيتەتى اراسىنداعى ىنتىماقتاستىق قازاقستان ستۋدەنتتەرى ءۇشىن جاڭا پەرسپەكتيۆالار اشىپ, ولاردىڭ ءبىلىم الۋ تاجىريبەسىن بايىتادى ءارى ەلىمىزدەگى جاساندى ينتەللەكت پەن ينجەنەريا سالاسىنداعى يننوۆاتسيالار ءۇشىن قوسىمشا مۇمكىندىكتەر بەرەدى», دەدى س.نۇربەك.
