فوتو: وقيعا بولعان جەر. ۆيدەودان كادر: t.me/stranaua
Milliyet تۇرىك باسىلىمى جۇك كەمەسى تۇركيانىڭ سولتۇستىگىندەگى زونگۋلداك پروۆينتسياسىنىڭ ەرەگلي ايماعىنا قاراي جىلجىپ, جاعاسىنا جاقىنداعانىن, تابيعي اپات مەزەتىندە تەڭىز تولقىنىنىڭ بيىكتىگى شامامەن 5 مەترگە دەيىن جەتكەنىن, بورتتا بولعان 13 ادامنىڭ ەۆاكۋاتسيالانعانىن ءارى ەكيپاج مۇشەلەرى زارداپ شەكپەگەنىن جازعان.
كەمەدەگى بارلىق 13 ەكيپاج مۇشەسىن ەۆاكۋاتسيالاعانىن مالىمدەگەن تۇركيانىڭ تەڭىز ىستەرى باس باسقارماسى: «19 قاراشادا ساعات 10:00-دە باس ىزدەستىرۋ جانە قۇتقارۋ جۇمىستارىن ۇيلەستىرۋ ورتالىعىنا اپات تۋرالى قوڭىراۋ ءتۇستى. تەكسەرۋدەن كەيىن كامەرۋن مەملەكەتىنىڭ بايراعى بار Pallada كەمەسى داۋىل سالدارىنان زاقىمدانىپ, ەرەگليدە سۋ جاعاسىنا شىعىپ قالعانى انىقتالدى», دەپ جازعان ەكەن حابارلاماسىندا.
تۇركيانىڭ Anadolu اگەنتتىگىنىڭ تاراتقان حابارىنشا, ەرەگلي پورتى باسشىلىعى داۋىلعا بايلانىستى پورتتان شىعىپ كەتكەن Kafkametler اتتى تۇرىك كەمەسىمەن بايلانىس ورناتۋعا تىرىسىپ جاتىر. ول رەسەيدەن شىعىپ تۇركيانىڭ يزمير قالاسىنا قاراي جولعا شىققان, ول كەمەدەگى بارلىق 12 ەكيپاج مۇشەسى تۇركيا ازاماتتارى ەكەن.
UNIAN باسىلىمى Pallada جۇك كەمەسى ودەسسادان 3 قاراشادا شىققانىن تۇسىندىرەدى.
