سۋرەتتەردى تۇسىرگەن – اۆتور
كوشپەلى كورمە «بەرەل» قورىق-مۋزەيىنىڭ 15 جىلدىعى قارساڭىندا ۇيىمداستىرىلىپ وتىر. بەرەل جازىعىنداعى جۇزدەن اسا قورعانداردى زەرتتەگەن ارحەولوگتەر مەن انتروپولوگ عالىمدار ەكسپوناتتاردىڭ ءبىزدىڭ داۋىرىمىزگە دەيىنگى V-IV عاسىرلارعا تيەسىلى ەكەنىن انىقتاعان.
– كورمەنى وسكەمەنگە اكەلۋىمىزدىڭ ماقساتى قالا تۇرعىندارىن بەرەلدەن تابىلعان جادىگەرلەرمەن تانىستىرعىمىز كەلدى. كوشپەلى كورمەمىز جۋىقتا «بوتاي» مەملەكەتتىك تاريحي-مادەني مۋزەي-قورىعىندا بولىپ قايتتى. ول جاقتاعى ەل دە قىزىعا تاماشالادى. ويتكەنى بەرەل – ەلىمىزدەگى ورگانيكالىق زاتتار ساقتالعان جالعىز ەسكەرتكىش, – دەيدى «بەرەل» مەملەكەتتىك تاريحي-مادەني قورىق-مۋزەيىنىڭ ديرەكتورى الماس سارباسوۆ.
كورمەدە رەستاۆراتسيادان وتكەن ات ابزەلدەرىنىڭ سۇيەك اشەكەيلەرى, ءبىزدىڭ داۋىرىمىزگە دەيىنگى ءىى-ءى عاسىرلارعا جاتاتىن №36 ساق قورعانىنان الىنعان بۇلان گريفوندارى, سونىمەن قاتار ءىى-ءى عاسىرلارعا جاتاتىن ەر ادام مەن ايەلدىڭ سىرتقى كەلبەتىنىڭ انتروپولوگيالىق رەكونسترۋكتسياسى قويىلعان. سونداي-اق زوومورفتى ساپتى قولا اينا, اشەكەي بۇيىمدار كورمە تورىنە ورنالاسقان. قالا تۇرعىندارى كوشپەلى كورمەنى 1 جەلتوقسانعا دەيىن تاماشالاي الادى.
وسكەمەن
