ۇستازدار ۇستاحاناسى

ەلىمىزدەگى تۇڭعىش جوعارى وقۋ ورنى – اباي اتىنداعى قازاق ۇلتتىق پەداگوگيكالىق ۋنيۆەرسيتەتى جوعارى جانە جو­عارى وقۋ ورنىنان كەيىنگى ءبى­لىم بەرۋ سالاسىنداعى ءىرى عى­لى­مي جانە پەداگوگيكالىق ءبى­لىم بەرۋ ورتالىعى. باستاۋىندا احمەت باي­تۇرسىن ۇلى, تەمىربەك جۇر­گەنوۆ, حالەل دوسمۇحامەدوۆ, ساكەن سەيفۋللين سەكىلدى ۇلت زيا­لىلارى, قوعام قايراتكەرلەرى تۇر­عان وقۋ ورنى كۇنى بۇگىنگە دەيىن ەلى­مىزدە بىلىكتى مۇعالىمدەردى دايار­لاۋدا كوشباسشى. وقۋ ورداسىنان وسى كۇنگە دەيىن 200 مىڭعا جۋىق پەداگوگ, 4 مىڭنان اسا عىلىمي كادر ءبىلىم بەرۋ سالاسىنا قاناتتانعان.

سالتاناتتى ءىس-شارانى اش­قان ۋنيۆەرسيتەت رەكتورى بولات تىلەپ ۇلت زيالىلارى باستاۋىن­دا تۇرعان «ۇستاز» اتتى ۇلىق ماماندىقتىڭ رۋحاني ورداسى اباي ۋنيۆەرسيتەتى وسى جىل­داردا ەلىمىزدەگى ءبىلىم وشاق­تارىنا كوپتەگەن بىلىكتى كادر­لار دايارلاعانىن جەتكىزدى. رەكتوردىڭ ايتۋىنشا, كەزىندە 9 وقىتۋشى عانا جۇمىس ىستەگەن وقۋ ورداسىن­دا بۇگىندە 5 اكادەميك, ۇلت­­­تىق عىلىم اكادەمياسىنىڭ 6 كور­­رەس­پوندەنت-مۇشەسى, 220 عىلىم دوكتورى مەن PhD, 260-تان استام عىلىم كانديداتى, بارلىعى 900-دەن استام ادامنان تۇراتىن پروفەسسورلىق-وقىتۋشىلىق قۇ­­رام 16 مىڭنان استام ستۋدەنت­كە زاماناۋي ءبىلىم بەرىپ كەلەدى. بىلىكتى مامانداردىڭ ەسەلى ەڭ­بەگىنىڭ ناتيجەسىندە ۋنيۆەرسيتەت الەمدىك ءبىلىم رەيتينگتەرىندە جوعارى كورسەتكىشكە يە بولىپ وتىر.

مارتەبەلى ۇستازدار قاۋى­مىن ايتۋلى مەرەكەمەن قۇتتىق­تاعان عىلىم جانە جوعارى ءبى­لىم ءمينيسترى ساياسات نۇربەك «ۇس­تازدار ۇستاناحاناسى, ءبىلىم مەن عىلىمنىڭ التىن ورداسى اتال­عان قارت قازپي-ءدىڭ اتاۋلى داتاسى ەلىمىزدەگى ءبىلىم بەرۋ جۇيە­سىنە ورتاق مەرەكە. ءبى­لىم ور­داسىنىڭ جەتكەن جەتىس­تى­گىن­دە قازاق حالقىنىڭ اياۋ­لى تۇل­عا­لارىنىڭ, الاش قايرات­كەر­لە­رىنىڭ ەڭبەگى جاتىر. ءبىلىم بيى­گىن­دە تۇرعان وقۋ ورداسىنىڭ پرو­­فەسسورلىق-وقىتۋشىلار قۇ­را­­­مىنىڭ جەمىستى ەڭبەگىن ەرەكشە اتاپ ءوتۋ كەرەك», دەدى.

جيىن ءارى قاراي دا جىلى لە­بىز­دەرمەن جالعاسىن تاپتى. الماتى قالاسى اكىمىنىڭ اپ­پارات باسشىسى بەيبىت شاحا­نوۆ شاھار باسشىسىنىڭ قۇتتىق­تاۋىن وقىسا, ۇلتتىق عىلىم اكادەمياسىنىڭ ۆيتسە-پرەزيدەنتى اقىلبەك كۇرىشباەۆ پەداگوگ كادرلاردى دايارلاۋدا كوش باس­تاپ تۇرعان وقۋ ورنىنىڭ مەرەي­تويىنا اكادەميانىڭ قۇت­تىق­تاۋىن جەتكىزدى.

ۋنيۆەرسيتەتتىڭ الەمدىك ءبى­لىم كەڭىستىگىندە جەتىستىككە جە­تۋىنە زور ۇلەس قوسىپ جۇرگەن وقى­تۋشىلار قاۋىمى وسى جيىن­دا ارنايى ماراپاتقا يە بولدى. اتاپ ايتقاندا, پروفەسسور قورلان جامپەيىسوۆاعا «ەرەن ەڭبەگى ءۇشىن» مەدالى, مامبەت قويگەلديەۆ, مارات قۇلبەك, باعدات قوسانوۆ, دوكتورحان ايدارباەۆا, نادەجدا جيەنباەۆا سىندى عالىم-ۇستازدارعا «قا­زاقستان رەسپۋبليكاسىنىڭ عى­لىمىن دا­مىتۋعا سىڭىرگەن ەڭبەگى ءۇشىن» قۇر­مەتتى توسبەل­گىسى, دانا قو­سىموۆاعا «انا ءتىلىن دامىتۋعا قوسقان ۇلەسى ءۇشىن» توسبەلگىسى تابىس ەتىلدى.

بۇگىندە ۋنيۆەرسيتەت الەم­نىڭ 25 مەملە­كەتىنىڭ 138 جوعا­رى وقۋ ورنىمەن ارىپتەستىك بايلانىستا جۇمىس ىستەيدى. QS World University Rankings الەم­دىك رەي­تينگىندە وسى جىلدىڭ قورىتىندىسى بويىنشا 681-690 ورىندى يەلەنىپ, الەمدەگى ۇزدىك 700 ۋنيۆەر­سيتەت قاتارىنا ەندى. ورتالىق ازيادا 147-ورىنمەن ۇزدىك 200 ۋنيۆەرسيتەتتىڭ قاتارىندا تۇر. تۇراقتى دامۋ ماقساتتارىن باسشىلىققا العان THE Impact Rankings رەيتينگىندە ۋنيۆەرسيتەت 601-800 پوزيتسيادان كورىنىپ, وتاندىق ۋنيۆەرسيتەتتەر اراسىندا كوش باستاپ تۇر.

مەرەكەلىك ءىس-شارادا قازاق­ستان ەتنيكالىق ديزاينەرلەر ودا­عى قولونەر شەبەرلەرىنىڭ كورمە­سىن وتكىزىپ, ۋنيۆەرسيتەتتىڭ تاريحى مەن بۇگىنگى تىنىس-تىرشىلىگى تۋرالى دەرەكتى فيلم كورسەتىلدى. مەرەكەلىك ءىس-شارا ونەر مايتال­ماندارىنىڭ كون­تسەرتىنە ۇلاستى. 

 الماتى