مەملەكەت باسشىسى سولتۇستىكتە رەسەي مەن ۋكراينا, تاياۋ شىعىستا يزرايل مەن پالەستينا اراسىنداعى قاقتىعىس جالعاسىپ جاتقانىن, اۋعانستانداعى تۇراقسىزدىق جاعدايىن, ال باتىستا زاڭسىز كوشى-قون پروبلەماسى ۋشىعىپ بارا جاتقانىن ەسكە سالدى.
«بۇگىنگى تاڭدا گازا سەكتورىنداعى بەيبىت تۇرعىندار, اسىرەسە بالالار مەن قارتتار قاقتىعىستىڭ قۇربانىنا اينالدى. ولاردىڭ قاۋىپسىزدىگىن قامتاماسىز ەتۋ باستى مىندەت. وسىعان بايلانىستى مەن پالەستينا حالقىنا گۋمانيتارلىق كومەك 1 ميلليون دوللار ءبولۋ تۋرالى شەشىم قابىلدادىم», دەدى قاسىم-جومارت توقاەۆ.
ونىڭ ايتۋىنشا, ونداعان جىلدار بويى شەشىمىن تاپپاي كەلە جاتقان وزەكتى ماسەلەلەردى زورلىق-زومبىلىق پەن لاڭكەستىك ارەكەتتەر ارقىلى شەشۋگە مۇلدەم جول بەرمەۋ كەرەك.
«قازاقستان مۇنداي ادىستەردى ءۇزىلدى-كەسىلدى ايىپتايدى. جاعدايدىڭ شيەلەنىسۋى اۋىر زارداپتارعا اكەلۋى مۇمكىن. وسىعان بايلانىستى ءبىز كەز كەلگەن قاقتىعىستاردى تەك بەيبىت كەلىسسوزدەر مەن ديپلوماتيالىق ديالوگ ارقىلى شەشۋگە شاقىرامىز», دەدى ەل پرەزيدەنتى.
