«ينستيتۋت كاسپي تەڭىزىنىڭ ەكولوگيالىق پروبلەمالارىن, سۋ دەڭگەيىنىڭ تومەندەۋ ماسەلەلەرىن, يتبالىقتار مەن بالىقتاردىڭ جاپپاي قىرىلۋ سەبەپتەرىن كاسپي يتبالىقتارىنىڭ پوپۋلياتسياسىن ساقتاۋ يحتيوفاۋنانى اكۆاتورياسى مەن كاسپي جاعالاۋىن زەرتتەيتىن بولادى. سونداي-اق كاسپي بويىنشا شەكارالاس مەملەكەتتەردەگى ارىپتەستەرمەن ءوزارا تىعىز ءىس-قيمىلدى قامتاماسىز ەتۋ باعىتىندا دا جۇمىس جۇرگىزەدى», دەلىنگەن مينيسترلىك حابارلاماسىندا.
الىنعان مالىمەتتەر مەملەكەتتىك جانە جەرگىلىكتى اتقارۋشى ورگانداردىڭ كەشەندى شارالار قابىلداۋىنا نەگىز بولاتىنى اتاپ ءوتىلدى. عىلىمي ۇيىمنىڭ قۇرىلۋى دا كاسپي تەڭىزىن ساقتاۋ بويىنشا حالىقارالىق جانە ۇلتتىق مىندەتتەمەلەردى تولىق ورىنداۋعا مۇمكىندىك بەرەدى.
«مەملەكەت باسشىسى الدىن الۋ شارالارىن جۇرگىزۋ ءۇشىن ماڭعىستاۋ وبلىسىندا كاسپي تەڭىزىن زەرتتەيتىن مەملەكەتتىك عىلىمي ينستيتۋت قۇرۋدى تاپسىردى. ينستيتۋتتىڭ قۇرىلۋى ماسەلەنى زەرتتەۋگە كەشەندى تۇردە قاراۋعا جانە اۋقىمدى ماسەلەلەردى شەشۋگە مۇمكىندىك بەرەدى», دەپ اتاپ ءوتتى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
