فوتو: gov.kz
ازيادا دوداسى بويىنشا قازاقستان قارۋلى كۇشتەرىنىڭ 11 وكىلى – ەكى التىن, ەكى كۇمىس, 7 قولا ولجالاعان.
ۆەدومستۆو مالىمەتى بويىنشا 11 سپورتشىنى اتاپ ايتساق, ورتالىق سپورت كلۋبىنىڭ اسكەري قىزمەتشىسى اسەم ورىنباي ستەندتىك اتۋ جارىسىندا «التىن», كوماندالىق ءمىح جاتتىعۋىندا – «التىن» جانە جەكەلەي جارىستا «قولا» ەنشىلەدى.
اسكەر سپورتشىلارى اراسىنان – گرەك-ريم كۇرەسىنەن ءالىمحان سىزدىقوۆ پەن ايەلدەر كۇرەسىنەن ءجاميلا باقبەرگەنوۆا كۇمىس جۇلدەلەرگە قول جەتكىزگەن ەدى.
پنەۆماتيكالىق مىلتىقتان اتۋدان يسلام ساتباەۆ, تاەكۆوندودان جانسەل دەنيز, ۋشۋ-ساندادان ايان تۇرسىن, دزيۋدودان ابىلايحان جۇبانازار, گرەك-ريم كۇرەسىنەن مەيىرجان شەرماحانبەت جانە بايداركا جانە كانوە ەسۋ جارىستارىندا كيريلل تۋباەۆ قولا مەدالدارمەن ەنشىلەگەن ەدى.
ازيادانىڭ چەمپيوندارى مەن جۇلدەگەرلەرى قورعانىس ءمينيسترى اتىنان گراموتالارمەن, العىس حاتتارمەن, ەستەلىك سىيلىقتارمەن ماراپاتتالدى. سپورتتا جوعارى جەتىستىكتەرى ءۇشىن ارميا سپورتشىسى اسەم ورىنبايعا «ەل قورعانى» ۆەدومستۆولىق مەدالى تابىستالدى.
