ەكى كۇنگە جالعاسقان باسەكەدە رەسەيدەن كەلگەن «رۋنا» كومانداسىنىڭ باعى جاندى. ولار باس جۇلدە ءۇشىن وتكەن ويىندا قاتارلىق «Al Shamal» كومانداسىمەن شەبەرلىك بايقاسىپ, تۋرنير جەڭىمپازى اتاندى. ال قولا جۇلدە ءۇشىن وتكەن كەزدەسۋدە بەلارۋس باسكەتبولشىلارى مىقتىلىق تانىتتى. «مينسك» كومانداسى ەلىمىزدىڭ «IMS Astana» ۇجىمىن تىزە بۇكتىرىپ, حالىقارالىق ءتۋرنيردىڭ قولا جۇلدەسىن قانجىعاسىنا بايلادى.
ءتۋرنيردىڭ ماراپاتتاۋ راسىمىنە فيبا 3ح3 باسقارۋشى ديرەكتورى الەكس سانچەز قاتىسىپ, جارىستىڭ جوعارى دەڭگەيدە وتكەنىن اتاپ كورسەتتى. ايتا كەتەيىك, 3ح3 باسكەتبولىنان «Almaty Quest» حالىقارالىق تۋرنيرىنە ەلىمىزدىڭ التى كومانداسى مەن الىس-جاقىن شەتەلدەن كەلگەن 10 كلۋبى ونەر كورسەتتى. جارىس جەڭىمپازى اتانعان رەسەيلىك «رۋنا» كومانداسى «Chengdu Masters» الەمدىك تۋرىنىڭ جولداماسىنا يە بولدى.
