فوتو بولات تىلەپتىڭ Facebook پاراقشاسىنان الىندى
«قۇرمەتتى اباي ۋنيۆەرسيتەتىنىڭ ۇجىمى! قادىرمەندى دوستار! قازاق ءبىلىمىنىڭ قارا شاڭىراعى اتانعان, 95 جىلدىق تاريحى بار تۇڭعىش جوعارى وقۋ ورنىمىزدا رەكتورلىق قىزمەتىمدى باستادىم. مەن ءۇشىن قازاقستانداعى پەداگوگ كادرلارىن دايارلاۋدا ماڭىزدى ءرول اتقاراتىن جوعارى وقۋ ورنىن باسقارۋ ۇلكەن ابىروي جانە جاۋاپكەرشىلىك. ۋنيۆەرسيتەتىمىز تامىرى تەرەڭ, باي تاريحى بار جانە قازاقستان مەن بۇكىل الەم ءۇشىن ءبىلىم مەن مادەني قۇندىلىقتاردىڭ سەنىمدى كوزى بولىپ تابىلادى.
اباي اتىنداعى قازۇپۋ 1928 جىلى قۇرىلىپ, سودان بەرى وتاندىق ءبىلىمنىڭ فلاگمانى بولىپ قالىپتاستى. ۋنيۆەرسيتەت قابىرعاسىندا ەڭبەك ەتىپ, ەل تاريحىندا وشپەس ءىز قالدىرعان قازاق حالقىنىڭ كورنەكتى ۇستازدارى: وراز جاندوسوۆ, ساكەن سەيفۋللين, بايمەن المانوۆ, احمەت بايتۇرسىنوۆ, سانجار اسفەندياروۆ, حالەل دوسمۇحامەدوۆ, تەمىربەك جۇرگەنوۆ سىندى تۇلعالاردىڭ ەڭبەگىن اتاپ وتپەسكە بولمايدى. بۇل ۇلى تۇلعالار قازاقستاندا ءبىلىم, عىلىم مەن مادەنيەتتىڭ دامۋىنا جان-جاقتى ىقپال ەتتى جانە ولاردىڭ مۇراسى بارلىعىمىز ءۇشىن امانات بولىپ قالا بەرەدى», دەپ جازدى بولات تىلەپ Facebook پاراقشاسىندا.
سونداي-اق ول زاماناۋي جانە ءداستۇرلى ءبىلىمدى ۇشتاستىراتىن جاڭا فورماتسياداعى ۇستازداردى قالىپتاستىرۋ باستى مىندەت ەكەنىن ايتتى.
− «جۇمىلا كوتەرگەن جۇك جەڭىل» دەمەكشى, ۇجىم بولىپ ۋنيۆەرسيتەتىمىزدى ارماندار ورىندالاتىن جانە كەرەمەت ناتيجەلەرگە قول جەتكىزەتىن وقۋ ورداسىنا اينالدىرايىق. ەڭ باستىسى, بىزدە كەز كەلگەن كەدەرگىلەردى بىرگە ەڭسەرۋگە بولاتىن مىقتى كادرلار بار. مەن ءوز كەزەگىمدە ۇجىممەن بىرگە ۋنيۆەرسيتەتىمىزدى ودان ءارى دامىتىپ, كيەلى قارا شاڭىراعىمىزدىڭ داڭقتى تاريحىن جالعاستىرۋعا بار كۇش-جىگەرىمدى سالامىن. ەل بولاشاعى قازاقستاننىڭ جەتەكشى پەداگوگيكالىق ۋنيۆەرسيتەتىنە بايلانىستى, ويتكەنى ول جاس ۇرپاقتىڭ دامۋىنا جاۋاپتى ماماندار دايارلايدى, − دەلىنگەن جازبادا.
