اتالعان مىندەتكە قول جەتكىزۋدىڭ كەي باعىتتارى سىن كوتەرمەيدى. سول سەبەپتى بيىلعى جيىننىڭ وزەكتىلىگى الەم ءۇشىن دە, ەلىمىز ءۇشىن دە وتە جوعارى. بىرىنشىدەن, كليمات وزگەرىستەرىنىڭ قازاقستانعا, ورتالىق ازياعا جانە الەمگە تيگىزگەن سالدارى مەن تەرىس اسەرىن كورىپ وتىرمىز. سول سەكىلدى كوروناۆيرۋس پاندەمياسىنان ەكى جىل وتسە دە, ىندەتتىڭ زيانى ءالى دە سەزىلەدى. سول سەبەپتى پاندەميانىڭ سالدارىن جويۋدىڭ ناقتى جوسپارى جوق.
پرەزيدەنتىمىز ورنىقتى دامۋعا قاتىستى جيىننىڭ ءبىر ديالوگ الاڭىنا توراعالىق ەتتى. بۇل مەملەكەت باسشىسىنا دا, قازاقستانعا دا سەنىمنىڭ وتە جوعارى ەكەنىن اڭعارتادى. ەلىمىز ورنىقتى دامۋ ماقساتتارىنا سوزبەن عانا ەمەس, ىسپەن دە ادال ارەكەت ەتەتىنىن ايقىن كورسەتەدى. سونداي-اق ەلىمىز اۋعانستان بويىنشا وڭىرلىك حاب قۇرۋعا مۇرىندىق بولدى. بۇدان بولەك 2030 جىلعا دەيىن كومىرتەگى بەيتاراپتىعىنا قول جەتكىزۋ بويىنشا ستراتەگيالىق دامۋ قۇجاتى قابىلداندى. مۇنىڭ ءبارى قازاقستاننىڭ ورنىقتى دامۋ ماقساتىنا بەرىكتىگىنىڭ ايقىن دالەلى.
سامميت اياسىندا, سونداي-اق ءوزارا اڭگىمە كەزىندە بۇۇ-نى رەفورمالاۋ ماسەلەسى تالقىلانادى دەپ ەسەپتەيمىن. وسىلايشا, ىرگەلى ۇيىمدا قۇرىلىمدىق وزگەرىستەردى باستاۋدىڭ ىرگەتاسى قالانادى. ونىڭ ۇستىنە تاياۋ كۇندەرى وزگەرىسكە جول اشاتىن قۇجاتتار قابىلداناتىن شىعار دەپ ەسەپتەيمىن.
سونىمەن قاتار پرەزيدەنت ق.توقاەۆ ساپار اياسىندا بىرقاتار مەملەكەتتىڭ باسشىلارىمەن كەزدەستى. اتاپ ايتقاندا ماجارستان جانە سلوۆەنيا سەكىلدى ەلدەرمەن كەلىسسوز جۇرگىزدى. ماسەلەن, ماجارستان تۇركىتىلدەس مەملەكەتتەر ۇيىمىنداعى ستراتەگيالىق سەرىكتەستەرىمىز سانالادى. سلوۆەنيا – ساۋدا ارىپتەسىمىز.
بەكجان سادىقوۆ,
ستراتەگيالىق زەرتتەۋلەر ينستيتۋتى
ەۋروپالىق جانە امەريكالىق زەرتتەۋلەر ءبولىمىنىڭ باسشىسى
