فوتو: قورعانىس مينيسترلىگى
توتەنشە جاعدايلار ءمينيسترى سىرىم ءشارىپحانوۆ تۇرعىن ۇيدە بولعان ورتتەن بالانىڭ ءومىرىن قۇتقارۋ كەزىندە كورسەتكەن ەرلىگى مەن جانقيارلىعى ءۇشىن سەرجانت جاندوس ايتقاليدى «ورتتە كورسەتكەن قايسارلىعى ءۇشىن» مەدالىمەن, ەفرەيتورلار شىڭعىس ەرقانات پەن ءىزباسار تولەۋتايدى العىس حاتتارمەن ماراپاتتادى.
اسكەري قىزمەتشىلەر كوپقاباتتى ءۇي جانىنان ءوتىپ بارا جاتىپ, ءبىرىنشى قابات تەرەزەسىنەن پاتەردىڭ تۇتىندەپ جاتقانىن بايقاعان. سەرجانت جاندوس ايتقالي سول تۇستا تۇرعانداردان پاتەردە بالا بار ەكەنىن ەستىپ, بىردەن وتقا ورانىپ تۇرعان پاتەرگە كىرگەن. تۇپكى بولمەدەن بالانى الىپ شىعىپ, تەرەزەدەن ارىپتەستەرىنە تاپسىرعان. سول مەزەتتە جەتكەن ءورت سوندىرۋشىلەر دە ءورتتى اۋىزدىقتاۋعا كىرىسىپ كەتكەن.
اسكەري قىزمەتشىلەر «مۇنداي جاعدايدا كەز كەلگەن ادام قاراپ تۇرماستان سولاي قىلار ەدى», دەيدى. ءۇش اسكەري قىزمەتشىنىڭ باتىل ارەكەتتەرى ينتەرنەت-كەڭىستىككە شىققاندا عانا بەلگىلى بولدى.
