فوتو: kapital.kz
«Egemen Qazaqstan» گازەتىنىڭ ءتىلشىسى گۇلميرا باعىتقىزىنىڭ «سەنىم ۇدەسىنەن شىققان بانكتەر» اتتى ماقالاسىندا «كورشى ەلدەردىڭ 50 سەنىمدى بانكى – 2023» رەيتينگىنە ەنگەن قازاقستان بانكتەرى جاريالاندى.
رەيتينگتى مۇناي-گاز سەكتورىنا قاتىستى كورپوراتيۆتىك بيزنەسكە باعىتتالعان «سيتيبانك قازاقستان» باستادى. ودان كەيىنگى كوشباسشىلار قاتارىندا قازاقستانداعى تۇرعىن ءۇي-قۇرىلىس جيناقتارى جۇيەسىن جۇزەگە اسىراتىن «وتباسى بانكى» ورنالاسقان. Forbes.ru رەيتينگىندەگى 3 سەنىمدى بانكتى بىزدەگى ەڭ ءىرى كوممەرتسيالىق بانك «Halyk Bank» اياقتاعان.
ۇزدىك بەستىككە «Kaspi Bank» پەن گرۋزيانىڭ «ProCredit بانكى» ەنگەن. العاشقى وندىققا قازاقستاننىڭ 5 بانكى كىرسە, 7-ورىندا «ForteBank» جايعاسقان.
ەلىمىزدىڭ ەدب جيىنتىق اكتيۆتەرىندەگى 5 ءىرى بانكتىڭ ۇلەسى 66%, جالپى نەسيە پورتفەلىندەگى ۇلەسى 73,8% جانە كليەنتتەردىڭ جالپى دەپوزيتتەرىندەگى ۇلەسى 70,2%-دى قۇراعان.
