ءتىپتى, بىزدەگى بانكتەردىڭ باسەكەگە قابىلەتتىلىگىن شەتەلدىك ماماندار دا راستاپ وتىر. رەسەيلىك Forbes.ru باسىلىمىنىڭ «كورشى ەلدەردىڭ 50 سەنىمدى بانكى – 2023» رەيتينگى بويىنشا العاشقى تورتتىكتى دە ءبىزدىڭ ەلدىڭ بانكتەرى يەلەنگەن.
سونىمەن, ءبىرىنشى ورىندا مۇناي-گاز سەكتورىنا قاتىستى كورپوراتيۆتىك بيزنەسكە باعىتتالعان «سيتيبانك قازاقستان» بولسا, ودان كەيىنگى كوشباسشىلار قاتارىندا قازاقستانداعى تۇرعىن ءۇي-قۇرىلىس جيناقتارى جۇيەسىن جۇزەگە اسىراتىن «وتباسى بانكى» ورنالاسقان. ايتقانداي, بۇل بانك ەدب-دەگى جەكە تۇلعالاردىڭ دەپوزيتتىك بازاسىنىڭ 12,7%-ىن, سونداي-اق يپوتەكالىق نەسيە نارىعىنداعى ايرىقشا ۇلەسكە يە بولىپ وتىرعانى بار. قارجى ينستيتۋتى ەڭ سەنىمدى جانە تۇراقتى ۇيىمداردىڭ ءبىرى رەتىندە ەلدە عانا ەمەس, حالىقارالىق رەيتينگتىك اگەنتتىكتەرىندە جوعارى دەڭگەيدە ەكەنى كورسەتىلگەن.
ناقتىراق ايتقاندا, Moody's اگەنتتىگى «وتباسى بانكىنىڭ» رەيتينگىن Baa2 جانە Fitch Ratings رەيتينگى BBB بويىنشا بولجامى «تۇراقتى» دەپ باعالانعان. Forbes.ru رەيتينگىندەگى 3 سەنىمدى بانكتى بىزدەگى ەڭ ءىرى كوممەرتسيالىق بانك «Halyk Bank» اياقتاعان. بۇل رەتتە قارجى ينستيتۋتى ەلىمىزدىڭ بانك سەكتورىنداعى اكتيۆتەرىنىڭ 28,9%-ىنا يە ەكەنىن اتاپ وتكەن ءجون.
ۇزدىك بەستىككە «Kaspi Bank» پەن گرۋزيانىڭ «ProCredit بانكى» ەنگەن. ونىڭ ۇستىنە العاشقى وندىققا قازاقستاننىڭ 5 بانكى كىرسە, 7-ورىندا «ForteBank» جايعاسقان.
مالىمەتتەرگە سۇيەنسەك, ەلدەگى ەدب اكتيۆتەرى 46,6 ترلن تەڭگەگە جەتىپ, ءىجو-ءنىڭ 42,1%-ىن قۇراعان. ءوز كەزەگىندە وتىمدىلىگى جوعارى اكتيۆتەر 14 ترلن تەڭگەنى نەمەسە اكتيۆتەردىڭ 30%-ىن قۇراۋى بۇل بانكتەرگە كليەنتتەر ءۇشىن الدىنداعى ءوز مىندەتتەمەلەرىنە تولىق كولەمدە قىزمەت كورسەتۋگە مۇمكىندىگى بار دەگەن ءسوز.
بيىل شىلدە ايىندا بانكتەردىڭ مەنشىكتى كاپيتالى ءبىر ايدا 3,7% ءوسىپ, 5,9 ترلن تەڭگە (جىل باسىنان بەرى 13,6% ءوستى) بولدى. نەگىزگى كاپيتالدىڭ جەتكىلىكتى كوەففيتسيەنتى (k1) – 18,8%, مەنشىكتى كاپيتال (k2) 21,5%-دى قۇراپ, بۇل زاڭنامادا بەلگىلەنگەن نورماتيۆتەردەن ايتارلىقتاي اسىپ تۇسكەن. بۇل بانك سەكتورىنداعى ىقتيمال تاۋەكەلدەردى جابۋعا مۇمكىندىك بەرىپ وتىر. وسى كورسەتكىشتەر ەلدىڭ بانك سەكتورىنىڭ سەنىمدىلىگى مەن تۇراقتىلىعىنىڭ جوعارى دەڭگەيىن كورسەتەدى.
ەلىمىزدىڭ ەدب جيىنتىق اكتيۆتەرىندەگى 5 ءىرى بانكتىڭ ۇلەسى 66%, جالپى نەسيە پورتفەلىندەگى ۇلەسى 73,8% جانە كليەنتتەردىڭ جالپى دەپوزيتتەرىندەگى ۇلەسى 70,2%-دى قۇراعان.
