فوتو: اقتوبە وبلىسى اكىمدىگىنىڭ ءباسپاسوز قىزمەتى
ء«ان ونەرىنىڭ ىشىندە بارد جانرى – سىرلى سازىمەن, جاڭاشا ورىندالۋ ستيلىمەن ەرەكشە. ونى العاش رەت قازاق ونەرىنە ەنگىزگەن – تابىلدى دوسىموۆتىڭ اندەرى كەڭ تىنىستى, ەكپىنى شابىتتى. ول گيتاراسىنا كەڭ بايتاق قازاق ەلىنىڭ رۋحىن, نامىسىن قوستى. بۇگىنگى مەرەكە – اعامىزدىڭ ونەرىن باعالاپ, ەسكە الۋ بولسا, ءبىر جاعىنان بارد جانرىن ناسيحاتتاۋ ءارى وسى جانرداعى ورىنداۋشىلاردىڭ ونەرىن قولداۋ. اقىننىڭ اندەرى ۇرپاقتان-ۇرپاققا جالعاسىپ, جاڭا باعىتتاعى ورىنداۋشىلاردىڭ سانى ارتادى دەپ ويلايمىن», دەپ اتاپ ءوتتى ەرالى توعجانوۆ.
بايقاۋدىڭ قازىلار القاسىنىڭ شەشىمىمەن, باس جۇلدە استانالىق ونەرپاز اسحات امىرعاليەۆكە بۇيىردى. ال 1-ورىندى − عيبادات تۇرعاليەۆ, 2-ورىندى − نۇرداۋلەت اققۇل, 3-ورىندى ورىنباسار جۇماحانوۆ پەن ايدار دوسىموۆ يەلەندى.
اشىق اسپان استىندا وتكەن بايقاۋعا استانا قالاسىنان, ۇلىتاۋ, تۇركىستان, قىزىلوردا, ماڭعىستاۋ, اتىراۋ, باتىس قازاقستان, اقتوبە وبلىستارىنان قاتىسقان 14 ۇمىتكەر بايقاۋ تالابى بويىنشا ت.دوسىموۆتىڭ ءبىر پاتريوتتىق, ءبىر ليريكالىق اندەرىن ورىندادى.
ولاردىڭ ونەرىن ت.دوسىموۆتىڭ جارى قارلىعاش يباتوۆا, ۇلى, ءانشى ابىل اياش جانە ت.دوسىموۆ اتىنداعى «سايگ ۇلىك» ءى رەسپۋبليكالىق بايقاۋىنىڭ باس جۇلدەگەرى ايگۇل قۇباش باعالادى.
«اقتوبە جەرىندە اكەمە ارنالعان كەرەمەت كەشتىڭ ءوتىپ جاتقانىنا قۋانىشتىمىن. تابيعات اياسىندا ءان تىڭداۋ – بارد جانرىنىڭ ەرەكشەلىگى. رەسپۋبليكالىق بايقاۋدى ۇيىمداستىرۋعا مۇرىندىق بولعان اقتوبە وبلىسىنىڭ اكىمدىگىنە, وبلىستىق حالىق شىعارماشىلىعى ورتالىعى, ەل اعالارىنا العىسىم شەكسىز», دەدى ت. دوسىموۆتىڭ ۇلى, ءانشى ابىل اياش.
بايقاۋ اياسىندا تابىلدى دوسىموۆقا ارنالعان ء«ىز تاستاپ اققان ءبىر جۇلدىز» عۇمىرنامالىق كىتابىنىڭ تۇساۋكەسەر ءراسىمى ءوتتى. كىتاپتا اقىننىڭ عۇمىرى مەن شىعارماشىلىعىنا قاتىستى دەرەكتەر, ەستەلىكتەر توپتاستىرىلعان.
