زەلەنسكي حاتىندا پۋتينگە جەكە كەزدەسۋ وتكىزىپ, سوعىستى اياقتاۋ ماسەلەسىن تالقىلاۋ ءۇشىن ناقتى كۇن بەلگىلەۋدى ۇسىنعان. ونىڭ ايتۋىنشا, قازىرگى ۋاقىتتا اقش-تىڭ نازارى نەگىزىنەن تاياۋ شىعىستاعى جاعدايعا اۋعاندىقتان, سوعىستى اياقتاۋ جولدارىن قاراستىرۋ قاجەت.
«تاڭداۋ قازىر ءسىزدىڭ قولىڭىزدا. سوعىسقا نۇكتە قوياتىن ۋاقىت كەلدى. ۋكراينا بۇل سوعىستى اياقتاۋدى ۇسىنادى. مۇنى ادال ءارى لايىقتى تۇردە جۇزەگە اسىرىپ, قاقتىعىستاردىڭ الدىن الۋ كەرەك», دەپ جازدى ۋكراينا باسشىسى.
زەلەنسكي مايدان شەبى ديپلوماتيالىق كەلىسسوزدەردىڭ باستاۋ نۇكتەسىنە اينالۋعا ءتيىس ەكەنىن ايتىپ, ۋكراينا كەلىسسوزدەر كەزەڭىندە اتىستى ۋاقىتشا توقتاتۋعا دايىن ەكەنىن مالىمدەدى. سونداي-اق ول كەزدەسۋدى وتكىزۋگە دايىن ەلدەردىڭ قاتارىندا شۆەيتساريا, تۇركيا جانە اراب ەلدەرى بار ەكەنىن اتاپ ءوتتى.
ۋكراينا پرەزيدەنتى قاۋىپسىزدىكتى قامتاماسىز ەتۋ ءۇشىن كەلىسسوزدەرگە امەريكا قۇراما شتاتتارى پەن ەۋروپا ەلدەرىن تارتۋدى ۇسىندى.
ەسكە سالا كەتەيىك, بۇعان دەيىن ۆلاديمير زەلەنسكي رەسەي پرەزيدەنتىنە قاقتىعىستى قىسقا دەيىن توقتاتۋ كەرەكتىگىن ايتىپ, مالىمدەمە جاساعان بولاتىن.
